أُمنية

أُمنيه


\

راح الزمن ويا الراح =وهاي الدنيا مكضيّه
وكلشي بلگلب هَمْ مات = عليه التفت الحيّه
وين الناس من الناس = جانت صافيه النيه
صارت من تريد العون = كلها تصيح شعليه
حتى الخوّه والصدگان = صارت كلها منـّيه
ومن أصبر على فرگاك = روحي أبد مو هيّه
بس لمن يجي ذكراك = أفرح لا وجع بيّه
وعيوني نساها النوم =تنشد عنه ليليه
أباوع من شكوك الباب =وأظل أصفك بْإيديه
وأناطر من يمر الريل =بلجي تصير إلك جيه
وأمني بالجديد الروح = بس ترجع أبد ليه
وأتحمل شديد الصار = وكل اللي سكن بيّه
وانْذر شمعه للعباس = وأطش بالحضره وهْليّه
وگلبي يفرح بملگاك =جيتك تنعش الريه
بسْ كلي بعد ألگاك ؟؟=لو ماتت الأمنيّه

راح الزمن ويا الراح =وهاي الدنيا مكضيّه
وكلشي بلگلب هَمْ مات = عليه التفت الحيّه
وين الناس من الناس = جانت صافيه النيه
صارت من تريد العون = كلها تصيح شعليه
حتى الخوّه والصدگان = صارت كلها منـّيه
ومن أصبر على فرگاك = روحي أبد مو هيّه
بس لمن يجي ذكراك = أفرح لا وجع بيّه
وعيوني نساها النوم =تنشد عنه ليليه
أباوع من شكوك الباب =وأظل أصفك بْإيديه
وأناطر من يمر الريل =بلجي تصير إلك جيه
وأمني بالجديد الروح = بس ترجع أبد ليه
وأتحمل شديد الصار = وكل اللي سكن بيّه
وانْذر شمعه للعباس = وأطش بالحضره وهْليّه
وگلبي يفرح بملگاك =جيتك تنعش الريه
بسْ كلي بعد ألگاك ؟؟=لو ماتت الأمنيّه


عواطف عبداللطيف

أباوع من شكوك الباب ...وأظل أصفك بأيديه

يخايب انه الك عطشان ... يلشوفتك الميه

ادور ما الك عنوان ... وأتعب جدمي رجليه

ردتك ساعه بعد سنين ... وشكي البيه والبيه

ما جن انه بعدي فلان ... شنهي اندارت النيه

دولاب الوكت دولاب ..... ما يرحم ولا هيه

استاذتنا القديرة / عواطف عبد اللطيف
لحرفك لحن خاص يغرينا بالمكوث امامه طويلا
فنحتار في الرد لروعته
حرف لامس دواخلنا
سلمت يداك
تقديري

أستاذتي الفاضلة
رائع هذا النبض هنا......
لك من التقدير أعظمه

اقتباس: المشاركة الأصلية كتبت بواسطة محمد الفهد     أباوع من شكوك الباب ...وأظل أصفك بأيديه يخايب انه الك عطشان ... يلشوفتك الميه ادور ما الك عنوان ... وأتعب جدمي رجليه ردتك ساعه بعد سنين ... وشكي البيه والبيه ما جن انه بعدي فلان ... شنهي اندارت النيه دولاب الوكت دولاب ..... ما يرحم ولا هيه استاذتنا القديرة / عواطف عبد اللطيف لحرفك لحن خاص يغرينا بالمكوث امامه طويلا فنحتار في الرد لروعته حرف لامس دواخلنا سلمت يداك تقديري

الشاعر محمد الفهد
لمروركم عبير الوطن
شكرا لروعة المشاركة
حماك الله
دمت بخير
تحياتي

اقتباس: المشاركة الأصلية كتبت بواسطة طيف نياز الكثيري     أستاذتي الفاضلة رائع هذا النبض هنا...... لك من التقدير أعظمه

الروعة
هي أن أجدكم بالقرب
دمت بخير
محبتي

أصعب قدر يا خيّة = نتاني الما إله جيّة


بوح حزين نزلت الدمعة من عيني

من نظرت من شقوق الباب

لعلك تجدين العزاء في الاولاد

جرحك من جرح الوطن

انت تكتبين الحرف دمعا

كوني بخير سيدتي

عزيزتي عواطف
حلوة ورائعة ما كتبت من عواطف بريئة وروح مرهفة خلف لغة الامس الجميلة لغة البساطة واللغة الشعبية التي نحبها كلنا اه كم لذيذة مشاعرك وانت تكتبين بهذه اللغة سلمت يداك ومني تحية

سوسن

وانْذر شمعه للعباس = وأطش بالحضره وهْليّه

وكِلّه وين ابو حزامين = يِرْبِي الحاله والنيه

ويجيب الخبر من ربه = يفَرِّج كربة البيه

دصلي ربي ع المختار = واجعل توبتي هيّ

اقتباس: المشاركة الأصلية كتبت بواسطة مصطفى السنجاري     أصعب قدر يا خيّة = نتاني الما إله جيّة بوح حزين نزلت الدمعة من عيني من نظرت من شقوق الباب لعلك تجدين العزاء في الاولاد جرحك من جرح الوطن انت تكتبين الحرف دمعا كوني بخير سيدتي

كلشي راح ويه الراح=مدري هم ألة جية

شكرا للمرور العذب
والإضافة الراقية
النبع يسأل عنك
الله يبعد عن عينك الدمع
ويجعل الفرح رفيق أيامك
دمت بخير
تحياتي

اقتباس: المشاركة الأصلية كتبت بواسطة سوسن سيف     عزيزتي عواطف حلوة ورائعة ما كتبت من عواطف بريئة وروح مرهفة خلف لغة الامس الجميلة لغة البساطة واللغة الشعبية التي نحبها كلنا اه كم لذيذة مشاعرك وانت تكتبين بهذه اللغة سلمت يداك ومني تحية سوسن

للغالية العزيزة
شكراً على هذا المرور العطر
دمت بخير
محبتي