قصيدة مفتوحة والدعوة عامة

احْنا اذا رِدْنا النَجِمْ

بَسْنا نبالغ بالحِلِمْ

لازم نِشِدْ اِيدْ اُوعَزِمْ

نِنْطِي الوطن اِحْكوكه

صار الوطن ساحة قدم

بس ساحه ما بيها حكم

كلمن لعب بيها انتقم

ما ذكر ربه الفوكه

تدرون لو محد دره
صار الوطن بيع وشره
شنسوي هذا الي جره
واتفقوا اعله البوكه

اشكد نزف هاذ الوطن
بهاذ الزمن وبكل زمن
وابناءه ما الهم ثمــــن
من ماي دمهم ضوكه

گلبي خلص من الحچي
صار الوطن يبچي بچي
مدري عليمن ننتچي
ضيعوا كل حگوگة

ننتجي أعليمن ياتره
ايكلنه عالصار وجره
الشهم صاير مسخره
والوطن نازل سوكه

حسبالي نفرح خضرت
شجرتنه لاكن طلعت
حرب بحرب كلهه كضت
محترك تحته وفوكه

طفوا علينه الاضويه
وكفت اغراض التهويه
والماي هم راح انكطع
واللاله هم محروكه

كولوي شنهو اليصار
الجار ياكل بالجار
ما بقى حرمه للدار
كلشي نفك من سوكه

يا ناس وين اهل الوفه
راحو بعد ما ضل دفه
والطعنه اجتنه من الكَفه
والموت عامر سوكَه