عفيه ارضج كربله شكد تحملين
لو ارض غيرج تغص اوتنترس
خل تشوف الوادم لتبغض حسين
هالجموع الزارتك الهم درس
انته جدك مصطفى وامك بتول
وانته ابوك المرتضى الرد الشمس
ما يجي مثلك يصير بكل زمان
يا وتر بالموت مرفوع الرأس
يا ذهب لألأ ذهب مدفون بيك
وفتخر يتراب ياهو الي تمس
رادو يمسحون ذكرك بالعقول
انته وي الدم تسير اويَ النفس
رادو يرفعون اميه ومن سواه
واشترو اقلام ذمته بفلس
جَذْبو تالي الجذ ب صدكو بيه
وبالجذب خلو كتبهم تنترس
ما درو كبل الخلق مخلوق نور
يعني انتم صرتو للدنيه الاسس
ما يبغضك سالم وصاحي الاصول
لا ابد والله بس عرضه الدنس
وخلي كلمن ناصبي يسال ابوه
يسال امه منين صار بيا رجس
اليحج تنحسب مره لحجه ليه
وانته ميتين ليزورك عد. وقس
اعذرني يا بيت الله حجاحك قليل
من تقيس بكربله شيوصل سدس
تسعى من كل صوب زوارك حسين
اسمك بكل ارض نابت منغرس
شوكه زوارك بعين الناصبوك
خلهم يفجرون ما تطفى الشمس
حار كلمن فسرك يبن البتول
نعمه من الله حبك انه احس (ابوالحسن القريشي علي عبدالحسن)
عفيه ارضج كربله
العرض العادي
