قصيدة مفتوحة والدعوة عامة

قصيدة مفتوحة والدعوة عامة للجميع
الفكرة الأصلية هي للشاعر كاظم جابر السماوي
ومن هنا أتوجه إليه بالتحية

وسأفتتح المساجلة بالمقطع الأول ويجب أن تكون المقاطع
جميعها تنتهي بنفس القافية لتكون قصيدة متكاملة

حرية حسبالي أجد
گليبي سل من الوجد
محروگـ من جدٍ وجِد
كلمن فتاها البوگه

الأستاذ حسن الشيخ ناصر

شكراً لهذه المساحة

تاليها ما عندي سكن
والحيل طاح من المحن
والنخل هم ناله الزمن
وزاد الوجع بعروكه

شكرا استاذ حسن لهذه الفكرة الجميلة

أبيض شعر راسي غده

اجروح الكلب متعدده

والروح جثة امددة

ومن الحزن محروكه

كالوا شبيه هذا الوطن

كلتلهم هواي الفتن

ذبلن اضلوعه وانحنن

وركيبته مخنوكه

حرية حسبالي أجد
گليبي سل من الوجد
محروگـ من جدٍ وجِد
كلمن فتاها البوگه

حسن الشيخ ناصر
======

تاليها ما عندي سكن
والحيل طاح من المحن
والنخل هم ناله الزمن
وزاد الوجع بعروكه

عواطف عبد اللطيف
======

أبيض شعر راسي غده

اجروح الكلب متعدده

والروح جثة امددة

ومن الحزن محروكه

د. أسعد النجار
=======

كالوا شبيه هذا الوطن

كلتلهم هواي الفتن

ذبلن اضلوعه وانحنن

وركيبته مخنوكه

د. أسعد النجار
=======

سلّيت والله من القهر
مالوم مكسور الظهر
عطشان وبيتي النهر
ومسددات حلوگه



حسن الشيخ ناصر

الأحبة

الأخت والأستاذة عواطف عبد اللطيف

الأخ والأستاذ د.أسعد نجار

حياكم الله شكرا لحروفكم العذبة

لكما وللجميع مني أجمل وأرق تحية

گالوا لعد ليش ابعدت
كلتلهم آني ما ردت
والله تعبت وتبهذلت
أرض الوطن مبيوگه

كل الوجوه اتبعثرت
وتعذبت واتمرمرت
بغيره والله ما رضت
بالگلب والله شوكه

امصيبه يصاح امصيبتي

تحرج الوادم حسرتي

ماشفت راحه وسفتي

اسنين العمر مسلوكه

كالوا اشبيكم ياعرب

أهل الشهامه والحسب

باكوا السله والعنب

واحنه النياح انضوكة