شمس تموز

[أحمد الدراجي]

كنالك شمس تموز مابيه غيم
أشو لمن تجي حالوب غيماتك

وعرفنه الريح تلبس ثوب مابية نور
لان عاصف عجاج تصير جلماتك

لبسناهن دفو وتعطرينه بشوك
ليلك من يمر تنراد جوياتك

عدنه حجاية صارت والمثل مكيول
مبلل ما يخاف بمطر حسباتك

أشو بعد فضي مثل البلم بالروج
ولا طير اليغني بطور نغماتك

ما ظلت وحشتك نكتب ألها اشعار
فضي خلك الليالي بعين وناتك

لا تعتب بعد لا تكض درب الشوك
أخذهن ما يفيدن ذني جلماتك

مضى وكتك سراب بعين المتنايك
ولـَم كلبه جرح من ظيم شوغاتك

بعد ترجه صبح ينطر بنص العين
وتشوف الندى اعله حفوف ورداتك

كلي بيا هي أعذرك والغلط مسموح
حتى أتغاضه عنه وانصف لذاتك

جبتها مكبعة برماد حسبة موت
صفنة اجيب صفنه بروج آهاتك

ولتكلي بعد ما ظله حيل الليل
احترك وجه الليالي بنار حسراتك

ما شايل صبح لمن حجيت وياك
شيجب الصبح لسنون ضحكاتك

افرزن صوت روحي بنص ظلامك زين
واعرف نجم شوكي ابين نجماتك

يقراني السهر من يمتد ويه الليل
سيف وينرسم بعيون ثاراتك

رص وكت الزعل لمن يجيك الحيل
وعلك ناب جرحك فوك راياتك

ردت مبجاي ضحكة بخلك دمع العين
تجيني اركاض ما ضنيت دمعاتك

كل هذا بعد وتريد مني تريد
تعذرني واعذرك هل الوكت فاتك

أحمد الدراجي

عليّ تعلم اللهجة ..كي أدرك حجم الجمال هنا
لكن الفكرة الاحساس ..النبض
الكلمة... جميعها وصلت صادقة

تحية لريشة عذبة حد لذة القراءة

لا آني ألعذرك ولا نجوم الليل
صار من الدمع تنسگي ورداتك

تحية وطن

كل هذا بعد وتريد مني تريد
تعذرني واعذرك هل الوكت فاتك

كل هذا بعد ونريد هم نريد
شمحله اليوم يادراجي كلماتك 0

اخي الغالي احمد يسرني ان اراك بالشعبي
بعد ان رايتك رائعا بالخواطر والفصيح
كنت معك بمشاعري
فاقبل تحايا اختك ام زيـــــــــد0

[أحمد الدراجي]

اقتباس: المشاركة الأصلية كتبت بواسطة مرمر القاسم     عليّ تعلم اللهجة ..كي أدرك حجم الجمال هنا لكن الفكرة الاحساس ..النبض الكلمة... جميعها وصلت صادقة تحية لريشة عذبة حد لذة القراءة

مرمر القاسم

جميل هذا التواصل
ولو احببت أن أشرح لك ما يخفى عنكِ

تقديري

القدير / أحمد الدراجي
سعداء بتواجدك بالنبع
وتواجد حرفك المنسكب عذوبة
تحياتي وتقديري

[أحمد الدراجي]

اقتباس: المشاركة الأصلية كتبت بواسطة عواطف عبداللطيف     لا آني ألعذرك ولا نجوم الليل صار من الدمع تنسگي ورداتك تحية وطن

أمي الغالية

بعيوني فرح فضحني بين البين

من شافت عيونك للدمع تضحك



ممتن أنا لمرورك الجميل

كنت معك أجمع قطرات العتاب المتساقطة من بين حروفك

فملأت سلالا مليئة بقناني الشهد المصفى والنمير الزلال

لأعود إلى صومعتي كي أدندن حروفك وأنتشي بعبيرها

أجدت أجدت ولكنها من دون حركات ومعان تحرم غير العراقيين جمالها

تحياتي ومودتي

معذورة ألسيدة مرمر ألقاسم حين تكتب أن عليها تعلم أللهجة.ألا أني أسميها لغة فهي (لغة ألعراقيين) فيها كتبوا ملاحم ألحب والألم والأمل والوجع...والبطولة
*بس لاتتعذر موش آنا
*حطوني بحلكه وكلت آنا
هل تجد ملحمة كتبت بأي لغة أكبر من هذه ألملحمة
رائعة (شمس تموز) فهي جميلة جمال عشتار ورائعة روعة تموز أله ألخير
ننتظر منك كل ما هو بديع

شمس تموز لوحه شعريه متميزه

حمدنا
تعافينا وشكرنا ألله و **حمدنا
وحتى العاذل بغيضه ** حمدنا
كفوا منك نبت طيب ** حمدنا
أنتنومس بيك أبو ذات الوفيه

ـــــــــــــــــ

صح السانك اخي العزيز احمد الدراجي