قصيدة يمه

يمه
ـــــــــــــــ

الشاعر كاظم الوحيد



يمه حيل آنه الج مشتاكَ

والشوكَ ما ينوصف هذا البيه

شوكَي الج جذب ينقاس

ما شالته جبال الكره الأرضيه

كون يمج واحب ايدج

يجف الخير يل كله عطيه

شحلات الخبزه من ايدج

ولا انسه وحياتج لمة الصينيه

يم كَلب البلحنان يفيض

غطاني بحنانه وهل كسر فيّه

يمه ارد اشمج حيل

يل كلج محنه ووفه وحنيه

يمه روحي فدوه تروح

لتراب التسكَينه يحجيه

لا تظنيني نسيتج وانتي

تدرين النهر ما ينسه ميه

يمه بعيوني يسورب

ظل خيالج دوم

مريني ولو بالطيف ليليه

كَمر انتي ويشع بالليل

يا نور وضوه وكَمريه

يمه شحجيلج !! الغربه تهد الحيل

وجروح شكثر بيه

الغربه ما تنحمل ما تراد

بُعد وفراكَ وهموم واذيه

اكَضي الليل بالآهات

اون وجروحي ونتهن خفيه

يمه انه مقصر تراني وياج

مو ذنبي ييمه ومو بديه

أطلب من الله العفو

ومنج اترجه السماح

بيوم تحضرني المنيـــــــــه

يمه

انت الهوة وانت الماي

وانت الروح اليه

انت سالوفة
واسولف بيج انة صبح ومسيه

أمي يا قلبي و نور عينيِّ ..
حبيت جيب بعيدك هدية
برمت الدنيا كلها ما توفقت إلا.. كلمة (حياتي) تكون عيدية
"بعيدك يا أمي "
أرجو قبولها مني
بمناسبة عيدها

شكرا لكم على ردودكم الجميله ,,لكم وافر شكري وتقديري

الدكتور الفاضل اسعد النجار لك وافر شكري وامتناني ,,,ممتن لك

الست الفاضله هيام صبحي ..لك وافر شكري وامتناني ,,ممتن لما خطه قلمك

يا يمه الفــرح تطينه كـــل يـوم .. وبكلبــج حزن كل ذيج السنين
توزعين الفرح وانتي الحزن بيج .. ما عدج أخذ بس أنتي تطين
نذرتي العمر كـل العمر للغير .. مثل ناعور ضل يسكي البساتين



رائعه حروفك كروعة من كتبت لاجلها
تحياتي وتقديري

الشاعر المبدع محمد فهد ,,اسعدني مرورك الجميل وسرتني ابياتك الرائعه ,,دمت شاعرا متألقا ياغالي ,,ممتن لك

تكوليلي تعالي بساع
يمته تصير إلج جيه
ودموعي تصب أنهار
وروحي تون ليليه
ربيتي وسهرتي الليل
بهاي الدنيا الرديه
تاليها صفينة بعاد
وأنتِ هناك منسيه
الفرگة يايمة نار
كل ساعة تشب بيه
واتمنى أچيج ىبساع
وأنام بحضنج شويه
راح الراح وية الراح
صفيت أصفك بإيديه



أعذر خربشاتي
مع التحية

الست الفاضله عواطف عبداللطيف ,,كنتِ مبدعه في ابياتك الرائعه وما توقضه الهواجس وتعبر عنه الأحاسيس لا يحتاج الى لغة الاعتذار ,,ممتن لك جدا واتمنى لك التوفيق