يا دنيا زودتي همي..

يا دنيا زودتي همِّي

يا دنيا نشفتي ريقي

حريق حسّاه ف دمي

ولا نور يضوي ف طريقي

ولا قلب لقيته جنبي

يقاسمني ف ليل شجوني

ولا كلمة من حبايبي

تصبَّر غربة سنيني

يا دنيا إيه الحكاية؟!

ليلك ما بينتهيش

بتقولي الفرح بكرة

وبقول يا مين يعيش

نمشي والخطوة حايرة

كاسة وع الخلق دايرة

الضحكة ليه ف زمانا

ضايعة وملهاش وطن؟!

عايشين نسأل عليها

دابت وسط المحن

لو كان المال بينفع

كان رجَّع فرحنا

كان أمِّن خوفنا ولّا

كان دبِّل جرحنا

لا المال نشِّف دموع

ولا قاد لينا الشموع

ياللي بعدتوا عنّا

وجنِّتكوا ف قربنا

فاكرين هتروحوا منّا

ده حياتكم حبِّنا

ياللي الأوهام خانتكم

وهزمكم ضعفكم

مين هيحس بآلامكم

ويخاف على دمعكم

لو حتى فات سنين

مش هيموت الحنين

يا دنيا زودتي همي

يا دنيا نشفتي ريقي

حريق حسّاه ف دمي

ولا نور يضوي ف طريقي

بقلم/ ندى نصر

أبعد الله الهم و الحزن عن قلب شاعرتنا المبدعة ندى و لا عرفت لها الأوجاع دربا
كلمات رقيقة تشف عن حيرة و ألم لبعد الأحباب و تساؤلات عذبة إن كان الفرح بشترى بالمال !
أموال قارون لا يمكنها أن تشتري لنا قيراط سعادة مثل الرضا بحكم الله و القناعة
وجدتك مبدعة هنا مثل الفصيح
تحياتي لك و لحروفك الجميلة و

هي هموم الحياة
فيها لقاء وفراق
وفشل ونجاح
نغوص بين متاهات طرقاتها
لنستمر وتستمر

أبعد الله عنك الهم
وزرع السعادة في طريق أيامك
محبتي

جميلة يا ندى وكلماتك قطرات للمحبة في فجر الحب والنهار الباكي من ليل الفراق

اسعدتني كلماتك جداً

مودتي وتقديري

الله يحميكم
ويبعد عنكم الهم
ويجعل أيامكم فرح

شكري