قصيدة مفتوحة والدعوة عامة

الدهر ما عنده أمان
ابلا عواطف او حنان
بس يحله بيهم كل مكان
والهوى للي يذوكَه

اقتباس: المشاركة الأصلية كتبت بواسطة سعد السعد     الدهر ما عنده أمان ابلا عواطف او حنان بس يحله بيهم كل مكان والهوى للي يذوكَه

القلم ما يمطر بعد
ويغادر وينسى الرعد
بس من يمر سعد السعد
الدم يضخ بعروكَه

اقتباس: المشاركة الأصلية كتبت بواسطة حنان الدليمي     القلم ما يمطر بعد ويغادر وينسى الرعد بس من يمر سعد السعد الدم يضخ بعروكَه

كلّك حنان و طيبة
ربيع وفايح طيبة
والجرح منك طيبه
وانت الصبح وشروكَه

اقتباس: المشاركة الأصلية كتبت بواسطة سعد السعد     الدهر ما عنده أمان ابلا عواطف او حنان بس يحله بيهم كل مكان والهوى للي يذوكَه

يحله النبع بحروفك
لمن تجي ونشوفك
ويمتلي من رفوفك
بالوفا عامر سوكه

اقتباس: المشاركة الأصلية كتبت بواسطة عواطف عبداللطيف     يحله النبع بحروفك لمن تجي ونشوفك ويمتلي من رفوفك بالوفا عامر سوكه

يحله النبع بوجودك
ويهل علينا جودك
الهي يحرس عودك
يجري السعد بعروكة

باكَو وطنه يا ربع
وانطونه حسرات ودمع
بخيراتنه شبعو شبع
وضل النخل وعثوكَه

حرية حسبالي أجد
گليبي سل من الوجد
محروگـ من جدٍ وجِد
كلمن فتاها البوگه
حسن الشيخ ناصر
======
تاليها ما عندي سكن
والحيل طاح من المحن
والنخل هم ناله الزمن
وزاد الوجع بعروكه
عواطف عبد اللطيف
======
أبيض شعر راسي غده
اجروح الكلب متعدده
والروح جثة امددة
ومن الحزن محروكه
د. أسعد النجار
=======
كالوا شبيه هذا الوطن
كلتلهم هواي الفتن
ذبلن اضلوعه وانحنن
وركيبته مخنوكه
د. أسعد النجار
=======
سلّيت والله من القهر
مالوم مكسور الظهر
عطشان وبيتي النهر
ومسددات حلوگه
حسن الشيخ ناصر
=======
گالوا لعد ليش ابعدت
كلتلهم آني ما ردت
والله تعبت وتبهذلت
أرض الوطن مبيوگه
عواطف عبد اللطيف
======
كل الوجوه اتبعثرت
وتعذبت واتمرمرت
بغيره والله ما رضت
بالگلب والله شوكه
عواطف عبد اللطيف
======
امصيبه يصاح امصيبتي
تحرج الوادم حسرتي
ماشفت راحه وسفتي
اسنين العمر مسلوكه
د. أسعد النجار
=======
كالوا اشبيكم ياعرب
أهل الشهامه والحسب
باكوا السله والعنب
واحنه النياح انضوكة
د. أسعد النجار
=======
كص الدهر مني الضلع
ولجبدتي اقلعها قلع
وعظامي خلعهن خلع
مسحونه ومطروكه
د. أسعد النجار
=======
مگرود حظه ما لچه
ولانفع وياه البچه
مچتول ماظن تدرچه
وشتخيط من شگوگه
حسن الشيخ ناصر
=======
شيفضها وي هذا الدهر
لو راد يوليله بشر
بيته يظل طول العمر
ضوياته ما معلوكه
د. أسعد النجار
=======
للديره اجوا عدهم غرض
أفكارهم كلها مرض
لتبالي ابطول وعرض
راياتهم ملبوكة
د. أسعد النجار
=======
الهتاف صار بفد فلس
والحفرة لا ما تنترس
والغيم سد نور الشمس
كلمن يدلل سوگه
عواطف عبد اللطيف
======
هذا العراق بكل فخر
عالي يظل طول الدهر
متهمه آهات وكدر
ويزهي النخل بعثوكه
د. أسعد النجار
=======
تعبت أيديه وآنه أعد
بالغربة كل يوم بدرد
كللولي لا لا لا ترد
سچتنة ما مطروگه
عواطف عبد اللطيف
======
هذا التراب المرتوي
بدمع گلبي المنچوي
وذراعنا ما يلتوي
وللعدو مثل الشوكه
كريم سمعون
======
روحي إلك بس تنتظر
غاب النجم ويه البدر
گلبي يخاف من الغدر
من الظلم محروگه
عواطف عبد اللطيف
======
طلعوني من بيتي غصب
عمية ورموني بالدرب
والوطن دمروه بالحرب
وراياتنا مبيوگه
عواطف عبد اللطيف
======
تعبوني والله من القهر
حتى الصَبُر مني طفر
والجوع كسَّر لي الظهر
والخبز صعب نظوگه
عواطف عبد اللطيف
======
هذا الزمن ماينوصف
جتنه الرعاع ويا أسف
تبوك بعلن وبكل صلف
وكلمن يعلي طوكة
د. أسعد النجار
=======
كالولي ابشر خلصت
وايامنه السوده انكظت
شتريد نفسك وشتهت
ناكل هوه بخاشوكه
محمد الفهد
======
الناس والله معذبه
والسلطة دوم اتجذبه
حاجاته كلها مسبه
وخلكانها مشكوكه
د. أسعد النجار
=======
مليت بس من الركض
بالطول اركض والعرض
ضايع وتايه بالارض
ما املك الطابوكه
محمد الفهد
======
الگمر مل من القهر
والوجع هم زاد وكبر
بالوجه تاركلي أثر
أشلون أسد فتوگه
عواطف عبد اللطيف
======
الوطن روحه مغوركَه
ودمع الأرامل يحركَه
وبس الكَلوب معلكَه
بلحظة أمل لو تبوكَه
ازدهار الانصاري
======
مدري عليمن أنتجي
ميفيد أبد كل الحجي
تعبت والله من البجي
ودمعتي محروگه
عواطف عبد اللطيف
======
الناس كلها اجواعه
واعلى الاكل تتلاعه
راح البلم وشراعه
بس ماي ظل ريوكه
د. أسعد النجار
======
والماي كله أمراض
ومصيبة كلهم وعاظ
وبحجيهم حياتنا رياض
طلعت جذب مبيوكه
ازدهار الانصاري
======
نواب بس نص استاو
شما تطلب وكَالو ناو .. no
الالف باكَوه والواو
والي يعارض سوكَه
محمد الفهد
======
يبقه العراق بكل وقت
شامخ ومثله ماشفت
وبس بيه والله آنه ارتحت
بروحي هواه وشوكه
د. أسعد النجار
=======
خايف عليَّ من الهوة
الجرح ماله أي دوة
والليل نام بلا ضوة
بالجطل صرنه نبوگه
عواطف عبد اللطيف
=======
ظلمــه الجهات الأربعه
والحجي ياهو اليسمعه
بس نوم ما واحد وعه
والدنيه هالمحروكه
محمد الفهد
=======
كالولي بس كافي السهر
من الليل كاعد للسحر
بس تشرب وتاكل قهر
يلضحكتك مخنوكه
محمد الفهد
=======
بقاموسنه مسحو بعد
والفرح باكوه والسعد
والعدل من عدنه شرد
ونبعنه كلمن سوكه
محمد الفهد
=======
ضحك الچذب اصبح صفـه
والصدگـ كـل مايـه صـفــه
خاطوا وكـتنه ومـا صـفــه
وبيد ارعن الخاشوگه
حسن الشيخ ناصر
=========
مالكم حرگتوا الشعب
بين النهب والشـغب
موچنتم ويانا عجب
ترى الظلم مانروگه
عبدالناصر طاووس
======
ملينة والله من الحچي
صار الوكت كله بچي
ألمن نروح ونشتچي
وأرواحنه مخنوكه
عواطف عبداللطيف
=======
مليت يوميه خبر
والجذب اكثر من مطر
شما صار كالولي قدر
انباك التمر وعثوكه
محمد الفهد
=======
لطمية يوم الچبتوه
ما بقى شي ما بكتوه
حتى الأكل ما عفتوه
والطاوة هم محروگه
قصي المحمود
=======
اشوكت يخلص هالقهر
كل يوم من عنده بدهر
والليل كله بس سهر
وجبيدتي مطگوگه
عواطف عبداللطيف
=======
ياهلا مبارك صحبته
فرحان والله بشوفته
والرحمة علي ولدته
وهزبت بكاروكه
قصي المحمود
=======
احْنا اذا رِدْنا النَجِمْ
بَسْنا نبالغ بالحِلِمْ
لازم نِشِدْ اِيدْ اُوعَزِمْ
نِنْطِي الوطن اِحْكوكه
شاكر السلمان
=======
صار الوطن ساحة قدم
بس ساحه ما بيها حكم
كلمن لعب بيها انتقم
ما ذكر ربه الفوكه
محمد الفهد
========
تدرون لو محد دره
صار الوطن بيع وشره
شنسوي هذا الي جره
واتفقوا اعله البوكه
محمد الفهد
======
اشكد نزف هاذ الوطن
بهاذ الزمن وبكل زمن
وابناءه ما الهم ثمــــن
من ماي دمهم ضوكه
علي عبدالحسين
=======
گلبي خلص من الحچي
صار الوطن يبچي بچي
مدري عليمن ننتچي
ضيعوا كل حگوگة
عواطف عبداللطيف
========
ننتجي أعليمن ياتره
ايكلنه عالصار وجره
الشهم صاير مسخره
والوطن نازل سوكه
ناظم الصرخي
========
حسبالي نفرح خضرت
شجرتنه لاكن طلعت
حرب بحرب كلهه كضت
محترك تحته وفوكه
محمد الفهد
========
طفوا علينه الاضويه
وكفت اغراض التهويه
والماي هم راح انكطع
واللاله هم محروكه
علي الخضري
========
كولوي شنهو اليصار
الجار ياكل بالجار
ما بقى حرمه للدار
كلشي نفك من سوكه
عواطف عبداللطيف
========
يا ناس وين اهل الوفه
راحو بعد ما ضل دفه
والطعنه اجتنه من الكَفه
والموت عامر سوكَه
حنان الدليمي
=========
ياناس وين الأحباب
عيوني بقت علـَ الباب
والوطن صاير عطاب
نامت عليه طابوكه
عواطف عبداللطيف
========
جينة الأحبة انشوفهم
لا ما كَدرنا انعوفهم
قدّرنا صعبة اظروفهم
والوفي حاركَـ شوكَه
سعد السعد
========
گلبي تمرمر وأنجوه
والنفس صار بلا هوه
ما بعد ينفع بي دوه
وبعبرتي مخنوكه
عواطف عبداللطيف
========
هدو النفوس بكل رضا
بقلب القناعه الموعظه
محد بأفراحه حظى
وباب العمر مطبوكَه
حنان الدليمي
========
أتمنى بس اهواكم
واكَضي العمر ويّاكم
مالي خلكَـ أنساكم
مالي سواكم جوكَه
سعد السعد
========
باكَو وطنه يا ربع
وانطونه حسرات ودمع
بخيراتنه شبعو شبع
وضل النخل وعثوكَه
حنان الدليمي

راح الوطن وية النفط
إجونه من يشفط شفط
صفطوا خراطمهم سفط
بالليل تحلى البوكّة

الوطن صاير أقسام
كل واحد شادد الحزام
واشلون الواحد ينام
لا ينهف بطابوكة

اي والله مسخوها مسخ
ما عاد ينفعها لبخ
حتى الهوى ما ينّفخ
كل الكّرب مفتوكَة