يوميات العم حزين

(1)اكتبى
إنى أنا
هوه الولد
اللى اتولد
لما الكلام اصبح
بتمن الصمت
والحلم انتهى
اكتبى إنى انا
حكاى
بيحكى للهوا
حواديت عبيطة
عن بطل
صبحه غريب عنه قوى
بإيديه وايد الكل
أصبح ورق
أكتبى
بحروف قلق

سأكون متابعة للعم حزين وهو يغرد

تحياتي

شكرا لك استاذتى الفاضلة عواطف
واسمحى لى أن كتب يوميات العم جزين يوما بيوم فى منتداكم وارجو ان تنال اعجابكم
وشكرا

سأثبت الموضوع ليكون يومي

يامرحبا

جوه ملامحي
بخفي كل تاريخ الحزن
واحبس ثورة ألف حنين
اصرخ جوه الليل للصبح
يمكن يصحى
يصحى الفرح
يطلق فيا براءة طفل
لسه بيلعب تحت الشمس
ويا البنت ام ضحكاية
لسه ماتعرف لون الحزن

ما أجملها ذكريات الطفولة

المؤطرة بالبراءة

صباحك خير

مين انا وانت مين
دمعة تايهة بين عينين
حرف باهت فى الكتاب
منسى هامش م السراب
شايله عصفورنا الحزين
مين انا وانت مين
حلم عاجزانه يضحك
أو يطير بين السنين
قصة حلوة بس
ناقصة حاجات كتير
مين انا وانت مين

اقتباس: المشاركة الأصلية كتبت بواسطة محمد جابر المتولى     مين انا وانت مين دمعة تايهة بين عينين حرف باهت فى الكتاب منسى هامش م السراب شايله عصفورنا الحزين مين انا وانت مين حلم عاجزانه يضحك أو يطير بين السنين قصة حلوة بس ناقصة حاجات كتير مين انا وانت مين

سلم الله هذا الصوت الجميل و صاحبه العم حزين
فهل من جديد في يومياته أستاذي محمد ؟
تحياتي و عساك بخير

عيدكم مبارك

وكل عام وأنتم بألف خير

سلم يرلعك

كل عام وانت بخير