بس گَّرُب \ حـنيني وشوگي مرمرني تدري حيل احبَّنك وكـل لـحظة تِـرفْ الـعين تـسأل شرَّد أگُلنَّك وچذَّب روحـي من تغيب وگلبي بس يريدَّنك أفِـزْ ولهان من نومي عبالي بنومي اشوفنَّك افـرشلك عـيوني فـراش وبـجفوني احـطنَّك بــس گَّرُبْ تـهـيد الــروح وخـلـيني أضُـمَـنكْ واهـمـسلك بـعـد لـتروح مـحتاجة أسـمَّعنَّك اريـــد أتـعَـطَّـرْ بــرؤيـاك ومـحـتاجة أشـمَّـنَّك بـقيت انـطر تـرَّد بـساع تحبْني جنت أضننَّك ومــا تـكدر عـلى فـرگاي نـاسيني ولا چنَّـك وكـلـما انـتـظر مــلگاك تِـبـعِدْ وابْـتـعِدْ عـنّـكْ تُغصْ الروح من بلواي بعالي الصوت اصحينَّك واحـس الـنار بضلوعي صعبة شلون أعوفنَّك وريـدك انـتَ تـفهم زيـن ابـد مـا راح أعـذرنَّك صوچي آني ال وفيت وياك حســـبالي اعرفنَّك مـدريت الـزمن خَّـوان عـبالي مـا تجي منَّك \ 25\4\2017 عواطف عبداللطيف
قصيدة عبرت باقتدار عن حالتين متناقضتين هما اللقاء والفراق ورسمت لوحة جميلة للحالة النفسية في كلا الموقفين فالفاظ الحب زاهية والآمال دانية وساعات اللقاء صافية ومفردات الفراق قاسية وآلام البعاد عالية وساعات الهجر واهية كل هذا جاء في النص فكان غاية في الروعة تحياتي سيدتي الفاضلة
تنط من بين الحروف لوعة . استشفها القاريء دون النظر الى عيون الكاتب الولهان . للفراق والتعلق اليد الطولى في كل ذاك الشوق الذي هذره العاشق لمعشوقة . الكلمات رغم بساطتها لكنها أوصلت لنا صورة واضحة للوجد ... تحياتي
https://www.youtube.com/watch?v=QnhKRfJp7Bo في الغرامِ يا سيدتي ذبتُ وبعينيكِ طويلا سرحتُ والى عوالمَ أخرى دخلتُ ولما عدتُ لم اجدني بل أنتِ وجدتُ مدونتي : https://amirsllal.blogspot.com قناتي على اليوتيوب : https://www.youtube.com/channel/UC4Q...YRNI7uOXd7qTGw
عتاب الحبيب موجع قصيدة من أعماق الأعماق راقت لي جدا لقلبكِ المحبّة التي تستحقين وياسمين مندّى يليق
بس گَّرُب
العرض العادي
