عام على الثورة المصرية

عام على الثورة

مرت سنة بحلوها = والمُر فيها كتيرْ

والشعب قال كلمته = وسفينته أهى بتسير

وفلول كما الغربان = تنعق في كل مكان

لكن إله الكون = حكمه علينا يصير

الثورة قامت هنا = والشهب أهو ثاير

والظلم عشش هنا = والشعب كان صابرْ

لما الأمان انفقد = قامت جموع الناس

قالت له أرحل بقى = عاوزين يا ناس تغيير

الشعب عانى كتير= والظلم راكبنا

ذل وإهانة وقرف = والهم صاحبنا

ويقولوا كله تمام = والدنيا مزيونة

لما أراد الإله = قمنا بثورتنا

الشعب قال كلمته = قال للزعيم أرحلْ

خليت حياتنا طين = أوعاك تتمهلْ

بتعيش في قصر كبير= والناس مهيش عايشة

وابنك مينفعناش= عيّل ومش مرجلْ

كل العصابة بقت= في الحبس مسجونةْ

والحكم بكرة يتم = على صحبة ملعونة

خانت أمانة الله = والنهب كان داير

وقلوب بلون الزفت= والناس مطحونة

يا رب تمم لنا = نفرح بقى بكرة

ونحقق المأمول= وتنجح الثورة

فرعون مصير إيه = يا للي مش عارف؟

مسجون وبكرة يكون = للظالمين عَبرةْ

البرلمان انعقد = والشعب قال كلمةْ

مجلس يقول في كلام= بالحق والذمة

هم اختيار الشعب = وهو ده صوته

يا رب مصر تفوق= بالعزم والهمة

غنى يا مصر وقول = حققت أهدافي

واركب مراكب أمل= وامسك في مجدافي

بكرة الجميل أهو هل= عمّال ينادينا

وانسى اللى فات يا عم = دا الفجر مش خافى

عبدا لقادر الحسيني