يمته تهتز الشوارب

يمته تهـتز الشوارب
\
بـهالزمن شفنه العجايب
خـلـقوا انـواع الـمصايب
بس چذب والفعل غايب
؛
واحــد يـبـاهي بـتـفُگته
وثـانـي لـهَّـيان بـركُـعته
وثـالـث يـلمَّعلي كـصته
؛
ورابع مضمضملي راسه
حـالم بـكرسي الرياســه
وهو خايس من أساسه
؛
واحـنـه بـالفتنة الـتهينه
والـعُـمر راح من ايـدينه
بـس دكولولــي شجنينه
؛
الوطن ســـاحة تجارب
والوجع بالگلب ضارب
يمته تـهتز الـشوارب؟
\
عواطف عبداللطيف
10\1\2018

الذين بيدهم الأمر لاشوارب لهم..أساسا..لاغيره ولا شرف..والأمر لله

جميل ماقرأت لك سيدتي..

	يمه ماظلت شوارب واحد زينها بالدولار..واحد زينها بالريال..واحد زينها بالتومان الحجي موجود والفعل غايب واعداء الشعب ..صاروا براسنة اهل الوطنية وحق عيناج يمه لهم يوم كل اعداء الشعب العراقي ينقبرون ..ويجي وكت العدل (وان غدا لناظره قريب)

لما تكون فيه شوارب حتما تهتز
يا رب تهدا الاوضاع في وطننا
محبة يا غالية

ذوله ماعدهم شوارب

والحجي مصفط وكاذب

شفنه من عدهم غرايب

.......................

لا خلق لا صدك عدهم

طاحظ الذي دزهم

والنذل بس اليحبهم

تحياتي سيدتي الفاضلة

لا يتحرك فيهم ساكن والضمائر في سبات
على الجرح يا أمي
أسأل الله فرجا قريبا
دمتِ والمداد صداحا بالحق

اقتباس: المشاركة الأصلية كتبت بواسطة قيس النزال     الذين بيدهم الأمر لاشوارب لهم..أساسا..لاغيره ولا شرف..والأمر لله جميل ماقرأت لك سيدتي..

وليس لنا سوى الله أخي الكريم
يكتب لنا الخلاص إن شاء الله
لك شكري

اقتباس: المشاركة الأصلية كتبت بواسطة عامر الحسيني     يمه ماظلت شوارب واحد زينها بالدولار..واحد زينها بالريال..واحد زينها بالتومان الحجي موجود والفعل غايب واعداء الشعب ..صاروا براسنة اهل الوطنية وحق عيناج يمه لهم يوم كل اعداء الشعب العراقي ينقبرون ..ويجي وكت العدل (وان غدا لناظره قريب)

ننتظر هذا اليوم ابني بفارغ الصبر
وربنا كريم
دمت بخير
تحياتي

اقتباس: المشاركة الأصلية كتبت بواسطة ليلى أمين     لما تكون فيه شوارب حتما تهتز يا رب تهدا الاوضاع في وطننا محبة يا غالية

اللهم آمين
لك شكري ومحبتي

اقتباس: المشاركة الأصلية كتبت بواسطة الدكتور اسعد النجار     ذوله ماعدهم شوارب والحجي مصفط وكاذب شفنه من عدهم غرايب ....................... لا خلق لا صدك عدهم طاحظ الذي دزهم والنذل بس اليحبهم تحياتي سيدتي الفاضلة

أي والله دكتور
طاح حظ اللي دزهم

ربنا كريم
تحياتي وشكري