محبسي

محبسي
رد على قصيدة الدكتور اسعد النجار (ضاعت سبحتي )

\
ضـيـعت آنـي الـمحبس
گـولـولي شـنـهو ألـبس
مـن الـقهر چني أخرس
محبسي يسبي الأرواح

محبسي فصة من شذر
هـــم لازم انـذرلـه نــذر
كـلـمن لگاه صـابـه أجـر
بـــس لا تـكـولـولي راح

تـلزمني كُـلسع شهگة
روحــي عليه مـخـتنگة
صـعـبـة عــلـيَّ الـفُـرگة
شـوكـت يـرجـع وارتـاح

مـحبسي غـالي هـواية
چـــوي عـلـيـه مـشـاية
كـلـمن حچالــة حچايــة
كـلـهـا تِـــدَور الـمـفـتاح

لا تــســألـونـي عـــنــه
گـلـبـي وجـعـنـي مـنـه
گـالـولـي بــيـهـا إنَّــــه
بــالـي أبــد مــا مـرتـاح

الـلـي انـفـگد مـا يـرجع
مــن شـوفته مـا اشـبع
عــن طــوري لازم اطـلع
وأســأل عـلـيه الـسواح

مـحبسي هـواية يسوة
گــالــولـي يالله فــــدوة
والقهر عنـــدي جَّـــوة
مگدَّر اوصفـــه ياصاح

دوخـــت ويــايـه هــلَّـي
مـن يـلتكي اذبـح طلي
نــصـة نــذر نـصـة إلــي
وانصب بحوشي الأفراح
\

\
30\10\2017
عواطف عبداللطيف

توجّب إذن أن أكتب قصيدة على قرطي الضائع ههههه
أمنياتي بإيجاد السبحة والمحبس قريبا
من أجمل ما قرأت هذا المساء
دمتِ يافعة الشعر.. عابقة الهطول
باقة ياسمين تليق

	^_^ ماما الدكتور ضيع سبحة وانت ضيعت محبس وحنان مضيعة الترجية شنو سالفتكم ^_^ شرايكم نكتب قسم ادب الحوائج الضائعة ^_^ ......... يا يمه مضيع احباب راحوا مني بلاي اسباب جنت احسبهم بالمحراب راحوا مني وكل شي راح

يارب تلكيه وناكل الحلاوه..

اقتباس: المشاركة الأصلية كتبت بواسطة حنان الدليمي     توجّب إذن أن أكتب قصيدة على قرطي الضائع ههههه أمنياتي بإيجاد السبحة والمحبس قريبا من أجمل ما قرأت هذا المساء دمتِ يافعة الشعر.. عابقة الهطول باقة ياسمين تليق

والتراجي أيضاَ
دمت ودامت اطلالتك الجميلة وحروفك الرقيقة كرقة قلبك
محبتي وشكري

اقتباس: المشاركة الأصلية كتبت بواسطة عامر الحسيني     ^_^ ماما الدكتور ضيع سبحة وانت ضيعت محبس وحنان مضيعة الترجية شنو سالفتكم ^_^ شرايكم نكتب قسم ادب الحوائج الضائعة ^_^ ......... يا يمه مضيع احباب راحوا مني بلاي اسباب جنت احسبهم بالمحراب راحوا مني وكل شي راح

ضحكتني احلى رد الله يسعد قلبك
حلو هذا القسم
سالفة المحبس والسبحة والترجية سهلة
بس الحبيب صعبة

الـمُحَب شنهو ذنبه
الفرگة هواية صعبه
لازم تعوفــــــه لربَّه
وتخلي بالك مرتاح

حماك الله

اقتباس: المشاركة الأصلية كتبت بواسطة قيس النزال     يارب تلكيه وناكل الحلاوه..

تتدلل من عيني أستاذي الغالي

هه...
روعة هذه الكلمات الجميلة والقصيد الفريد
لكأني أتخيلكم أمي الحبيبة تلوبين عليها من مكان لمكان هه
أحسنتم التصوير والتعبير واللهفة!
محبتي والاحترام

اقتباس: المشاركة الأصلية كتبت بواسطة ألبير ذبيان     هه... روعة هذه الكلمات الجميلة والقصيد الفريد لكأني أتخيلكم أمي الحبيبة تلوبين عليها من مكان لمكان هه أحسنتم التصوير والتعبير واللهفة! محبتي والاحترام

شكراً ابني الغالي
الفكرة ولدت عندما قرأت قصيدة الدكتور اسعد عن ضياع مسبحته

أسعدكم الله
محبتي