رباعيات الجُهني (2)

رباعيات الجهني


@@@@@
الناس لها حق أصيل
وانت أصل كل البلاوي
لا تعرف قرآن ولا أنجيل
وعايش حياتك حكاوي
*****
قلنا بلاش من الغلط تتذام
غلط الرجال محسوب
والحرمة لوغلطت متتذام
والراجل لوغلط معيوب
*****
كفاية كلام علي النسوان
زهقنا يا ربي من الحكاوي
اللي يمشي ورا الحرمة يهان
ويلبس توب كله بلاوي
*****
كان نفسنا تكون راجل
وكلامك للخلايق مفهوم
فكرتني زي شجر عاطل
لكن أنا اليوم مهموم
*****
قدر وتسطر علي الجبين
وزمن شفنا فيه العجايب
نفسي تكون منصوب
ولا تطلق لسانك لهايب
*****
مالك يا أبو قلب حاقد
بدك في يوم تشوف العمار
لو نلت كنوز الدنيا ما حامد
وحاطط علي وشك خمار
*****
ناس عمية بصيرة
والدنيا بتلف وتدور
ناس واخده الدنيا طحينة
والمبلي ينذر نذور
*****
خطوتك خطوة عصافير
وطلتك بالعين يا ابني قصيرة
قبل ما بتغرد تطير
وفاكر إنه حكايتك جديرة
*****
بقلم // سيد يوسف مرسي

من ديواني (سكة خلاص ) الصادر عن مؤسسة الجبالي للنشر والتوزيع /القاهرة
(الجهني )
https://kanadeelfkr.com/vb/showthread.php?t=43149