يا حنين الروح

عندما تصفى الخواطر تنساب المشاعر كانها سهولة الماء ولكن عندما يكون الحزن اكبر من القلم لا يحتويه وتتبعثر المشاعر .. ما طول غيبتي عن النبع ضروف اجاركم الله منها وان كانت حق ومنها وفاة ولدي البكر بعمر 19 سنه وبسكتة قلبية .. دعائكم له بالرحمة .. ولي بالصير

انا لله وانا اليه راجعون

يا صبح محروم من شوف الشمس

يا غصن بويــــه أذبلت قبـل الاوان

بيك ابـد ما حسبت باجــــــر وامس

بيك مـــا حسبت يغدرنـــــي الزمان

عمت عينــــي عليك ريت انا أندرس

وانت َ بيدك مـــن تنزلنـــــي بامــان

يـا نبض بالكلــب بالريـــــــه النفس

يا حنين الروح يا بحـــــــر الحنـــان

يا قصيده احروفها اهـــــدوم العرس

وانت عرسك بيويه يـــوم الامتحــان

يا فقير..... يا كــــريم .... ويالتحس

مثل حلم وطرت ما جن كلشي جــان

فاض بيه الضيم بي كلبــــــي انترس

فكس عيني الوكت بيه ودهري خان

يا غــــرس بكليبي بويه انت انغرس

مـــا يشلعك مـوت انت بكــل مجـــان

ما اضـــن انساك ... يا درس اندرس

ودعت كـــــل فرحه بعدك كلشي هان

بعدك انسيت انا ياهــــو ومنهو اكون

صاحـــــو باسمي وردت شاهد عيان

يا خناجر فرهـــدي وما احس وصيح

ويا حـــــوافر روكــي مطلوق العنان

ويا عيون الشر تعالـــي نهَلي بيـــج

شنهي ظل عدنه وغلبت ِ انت ِ الرهان

ردت اودعـــك بويه . ما يحصل وداع

يا طيور الجنــه .. ودعيــه بالجنــان

محمد الفهد