روحي عاشت بالحزن

كتله وين اتروح يمك كال أنه = ماأعوفك لو تظل مية سنه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،

كتله عمري وياك كضيته ابزعل= خلص وآنه اللي عفت كل الأهل

انفطر مني الجبد جسمي هلنحل= وروحي عاشت بالحزن ماكو هنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،

كلي انته السبب جبتنه القهر = لاترافج زيد كتلك لاعمر

ماكو واحد عله سوادينك صبر= مثل صبري وكلبي كلشي ماجنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،

كتله كل الناس عندي مقدره= وآنه أحبهم هذا كلبك مادره

ماأحب الدنيه تبكه مكدره= وماأحب أهل المناصب والغنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،

كلي ماأقصد وأنه من أهل الوفه= وتدري كدامك ايديه مجتفه

وكلبك الطيب تره زين اعرفه = وبس الك كلبي تره رف واعتنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،

كتله حبك صار من الله فرض = كليبي مايحجي وأبد مايعترض

كمر ثاني انته شع عله الأرض = من الصدود انكسر ظهري وانحنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،

كلي والله خاطري اعليك انكسر = هزني ليك الشوك كل جسمي خدر

غني ياكلبي ونه أعزف علوتر= خلي باقي العمر بسكر بالهنه