أشباقي من العمر ويعز يا زهرة خريف وشوكه ايبزز يلمفرهد أسنينك ضاعت ابسكوت واسنين المفرهد بالضلوع اتبز ضميت الجروح ولملميت ألأه ياشيبه وتوالي الفرح بيه اينز متعوب أدري بيك وجرحك اولايات وعيونك امفتحه اتشوف وتفرز تمنيت العمه لاجن على الي صار صار العمه اهوين والمصيبه أركز ياجنح الفراشه الما تحدى الريح يا زهرة الدفلى ويا خيوط القز ليش اتدفعك ألأحداث أن تختار وانته الما يميز الشانك امن البز بسيط اولملمت دنياك كل الضيج وتدفع حيل بيك أحداثه وتلز يلممحل طريق العطش عض الكاع والكاع اليعضه العطش ماتخبز تمنيت التوالي اتعيشهن بهداي مو كله خناجر وبركبتك حز شنهو الي طلبته ونافستهم بيه أحلامك بسيطه أو وجهك أميز يلتكطر قصائد حتى وكت الظيم واليكطر قصائد أبد ميغرز أخ أتكول هانت ما اضنه أتهون نايم يا بختنه أشوكت كلي أتفز هاك أقرا اعلى وجهي هذا نبض الكاع وبسماء الي راحوا وجهي امطرز
زهرة خريف
العرض الشجري