أحبك .. محمد الفهد

.. أحبك ..

/

احبنك بكد كل الأرض والماي
حتى يزيد
أحبك من جنت كاعد
بنص العين
وأحبك لو رحت عنها وتصير بعيد
وأحبك لو تصير سيوف
بالدلال
أحضنهن ودلالي يصير الأيد
وتأمل تحبني والصبر أيوب
زرعوني ونسوني
صرت وسط البيد
يخايب ما كفاك سنين عمر الراح
ضيعت العمر بيك
وكلت ما أريد
جربني ودشوف شكثر بيه فنون
بعدك ما شفت مني
وكلت ما فيد
تعال نسولف أنا وياك
علمكشوف
لا أزود عليك ولا أريد أتزيد
ما ظميت يوم عليك ابيض ثوب
جا شتريد مني
وتدري بيه أوحيد
تبعتك لو خيالك يوم عنك راح
أظل وياك
آنا وياك مثل الجـِـيد
أحبك لو تردني شكثر ما رديت
أظل وياك
لو حيه وصرت عربيد
انتظرك صبح
والليل طال وياي
وانتظرك هلال الصوم
يوم العيد
يخايب ما يهزك كل كلامي وياك
يم الناس ..
مايع
بس عَلي صنديد
راح أصبر عليك وصبري ماله حدود
شما زدت بدلالك
حبي أنا يزيد








محمد الفهد

سعيد بقراءتي لهذا النص الراقي

جميل أن نحب لآجل الحب ولا ننتظر من الحبيب مقابك

والحب سوف يثمر حبا في النهاية

رمضانك كريم

وكل عام

وأنت بخير

جميلة هذه المشاعر

سأعود لها من جديد

رمضان مبارك

دمت بخير

تحياتي

فلتبقى أيامك زاهرة بالحب يا سيدي

كل المودة والاحترام ...

اقتباس: المشاركة الأصلية كتبت بواسطة مصطفى السنجاري     سعيد بقراءتي لهذا النص الراقي جميل أن نحب لآجل الحب ولا ننتظر من الحبيب مقابك والحب سوف يثمر حبا في النهاية رمضانك كريم وكل عام وأنت بخير

القدير / استاذنا مصطفى السنجاري
سعيد انا وحرفي ببصمتك الرائعة في صفحتي المتواضعة
شكرا لك

رمضان كريم / اعاده الله عليك بالخير والبركة
تحياتي وتقديري

اقتباس: المشاركة الأصلية كتبت بواسطة عواطف عبداللطيف     جميلة هذه المشاعر سأعود لها من جديد رمضان مبارك دمت بخير تحياتي

استاذتنا / عواطف عبد اللطيف
تعودنا على حرفك الرائع والجميل في صفحاتنا
شكرا لكرم المرور .. ومرحبا مقدما بالعودة لهذه الصفحة

رمضان كريم .. اعاده الله عليكم باليمن والبركة
وجعلكم من الصابرين على بلاء الدنيا
تحياتي وتقديري