أنت باطل

أنت باطل
..............

من أسولفلك تماطل
ومن أحلفنك , تجامل
وآنة من أشتاك , نايل
دمعي فوك أخدودي سايل

,,,,,

بكلبي من أسنين نارك
كمرمن حسنك تبارك
حلو عاجبني سمارك
كافي منك ضيم شايل

,,,,,

يل عفتني بنص طريق
شبّت بكلبي الحريق
كلي شصبر وشأطيق
كلبي من أسنين عاطل

,,,,,

نامت بعيني الصور
وأنترس صدري قهر
وشبقالي بهالعمر
شيبتني وآنة جاهل

,,,,,

دمعة مني ترتجي
لو تسافر لو تجي
فدوة أفهم منهجي
لا تكلي راح أحاول

,,,,,

كلبي همك شاركه
وأبد ما يوم أتركه
أنت حبك معركة
وآني بيها جندي أقاتل

,,,,,

كلبي غيرك ما عرف
حار شيكتبك وصف
أنت ظالم للأسف
آني مو من هسة كايل

,,,,,

أرد أحلفك بالغوالي
تكدر أتجاوب سؤالي
يرضي كلبك هذا حالي
لو سكوتك يعني قابل



أنت باطل
علي التميمي

　

كل كلامك من تخطّــه أنـفعل
ومن تغيب هواي فكري ينشغل
وعن شباب الكون كَلبي ينقفل
وما يفتحه غير وجـــهك من أقابــل
.
كنت رائعا

حنان الدليمي ,

شكرا لـ مرورك ِ البهي

واضافتك الجميلة

وافر التحايا

بوح باللهجة العراقية الجميلة
واحساس رقيق مبهج
احترامي

القدير رياض ,

حضورك ربوة سعادة

يتكأ عليها حرفي

أهلا بك

نص فيه البهاء والجمال

مودتي

د أسعد النجار ,
وحضورك فيه سعادتي
أهلا بك

تعبت گلبي و مردته
هو صار الانته ردته
من نسيت اللي وعدته
وتلفت كل الرسايل


الشاعر علي التميمي
المعذرة لمشاركتي

تحياتي

كلبي غيرك ما عرف
حار شيكتبك وصف
أنت ظالم للأسف
آني مو من هسة كايل

,,,,,

أرد أحلفك بالغوالي
تكدر أتجاوب سؤالي
يرضي كلبك هذا حالي
لو سكوتك يعني قابل



أنت باطل

ما أروع هذه النّبطيّة ...حافلة بالمعاني والبلاغة وترف الللّغة
لا فضّ فوك يا علي التميمي فكم نشتاق هذه القلائد الشّعبية الرّائعة ..
فأنت والقصيدة لستما باطلين واللّه
.