عونج خيتي

عونج خيتي
(في حوار مع متظاهر)
\

گالو عنكم تعبانين
لا ما نتعب
گالوا عنكم جوعانين
شلون نجوع
واحنه ويانة هاي الحرة
بالساحة هي المنتصَّرة
واليتعب هي اللي تصبَّرة
وهي لگلب الهايم عطره
صارت عنوانا للثورة
تطبخ ..تسعف..تخبز ..تصنع ..تكنس گاع..
تركض حتى تداوي جروح
والغصة بالمية تقرة
وهي تگول
همه ذولة اهل النخوة
صاروا إلنه مثل الأخوة
والمجروح يبقى يصيح ...عونج خيتي
لازم احنه نرد بساع
كلنا واحد وبفد ملعب
حتى الوطن الغالي نعمَّره
؛
من الساحة لا منروح
شلون نروح
عدها غيرة تهد جبال
تتعلم منها الاجيال
بكل محفل هي المتقدمة
وللخاين تبقى متحزمة
تتكحل بتراب الساحة
ما تقبل هم تاخذ راحة
هي القدوة وتاج الراس
واحنه الها مثل الحراس
بس الحق!!!!
كلها سباع!!!! وشيلة راس
شمس الثورة لا متغيب
؛
هم صدكتوا احنه نجوع
لا منجوع
والبل غربة گلبة ويانة
واحدهم لا ما ينسانه
همه هناك واحنه هنانه
بس ايدينه ايد بايد
كلشي من الخاين منريد
هاي الثورة لا متهيد
حتى يهل هلال العيد
؛
گالوا عنكم بردانين
ما يبرد من عدنه احد
عالظالم كلنه نتوحد
داخلنة لهبة من نار
محد يعرف بينه شصار
كل واحد من عدنه مدفع
ما نقبل من عدهم نسمع
وبالترگيع لا ما نقنع
بالساحة نبقى وما نطلع
حتى جراح الوطن تطيب
\
گالوا هسة الثورة تموت
شلون تموت
الفاسد لا لا منعذرة
خل يبقى يحتار بامرة
ميسكتنه ماله قُدَّرة
احنه أهل الكلمة الحرة
والشبان الراحت منه
واحدهم يعادل عشرة
رسموا درب العز بدمهم
رسموا إلنه خط الثورة
لازم ننجح
لازم نبقى
بلكي گلب الثكلة نصبرَّة
؛
يالله خواتي رفعوا الراية
يالله خواني گولوا وياية
؛
أبداً والله لا منتعب
حتى لوهم صارت اصعب
لا ما نتعب
\
9\11\2019

عواطف عبداللطيف

سلمت يداك ألف ألف مرة
وتحية كرامة للشّامخة دائما أمنا الصّابرة عواطف عبد اللطيف

بورك قلمك امي الغالية
حفظهم الله ونصرهم
سلمت و دمت

حفظ الله عراقنا برجاله ونسائه الأوفياء
وعجلّ لنا الفرج والنصر.. وردّ عنّا الفتن وكيد الكائدين
بورك صوتكِ الوطني
مودّتي ودعائي

صرخة وطنية تؤجج المشاعر وتفصح عن السرائر

حمى الله العراق وشعبه

تحياتي سيدتي الفاضلة

اقتباس: المشاركة الأصلية كتبت بواسطة كوكب البدري     سلمت يداك ألف ألف مرة وتحية كرامة للشّامخة دائما أمنا الصّابرة عواطف عبد اللطيف

تحية من القلب
ابنتي الغالية
محبتي وشكري

اقتباس: المشاركة الأصلية كتبت بواسطة علي التميمي     بورك قلمك امي الغالية حفظهم الله ونصرهم سلمت و دمت

بوركت اطلالتك ابني الغالي
حماكم الله
محبتي

اقتباس: المشاركة الأصلية كتبت بواسطة هديل الدليمي     حفظ الله عراقنا برجاله ونسائه الأوفياء وعجلّ لنا الفرج والنصر.. وردّ عنّا الفتن وكيد الكائدين بورك صوتكِ الوطني مودّتي ودعائي

اللهم آمين ابنتي الغالية
حفظك الله وحماك
محبتي

اقتباس: المشاركة الأصلية كتبت بواسطة الدكتور اسعد النجار     صرخة وطنية تؤجج المشاعر وتفصح عن السرائر حمى الله العراق وشعبه تحياتي سيدتي الفاضلة

اللهم آمين
وحماكم ووفقكم دكتورنا الغالي
تحياتي