ليــل الـوجع

ليل الوجــع
-------------
على يا صوب أنام
وكل كتر مـوجوع
غماگ جروح بيّه وكلها تنزف دم
سهم مسموم اهيس صابني بمـگفاي
من مر بي صديجي وعمده ما سلّم
على صدري أنا من سنين عفت النوم
شو بالليل كل هم العمر يلتم
ولا بصفاحي أنام ويلذ طعم النوم
التحت لو خف وجعها الفوگها تورّم
أنا وديت دعوة يمرني ملك الموت
ما يستاهلن عل ظالات أنـدم
أظن عشرة الدود هواي أفظل حال
من صاحب حسبته أخوي لو بن عم

صعبة من تعيش الوجع يابن العم
لأن جـرح الـصديج جـبير مـا يلتم
عــوفـه يــروح الله ويــا ولا تـنـدم
أحسن ما تـضوك الـضيم والعلقم
مـو لعبة الصديج اجماله لو يفهم
هـــــيَّ دروس كـلـنه مـنها نـتعلم


دمت بخير
تحياتي



همسة

أظن عشرة الدود هواي أفظل حال
خطأ طباعي (أفضل)

اعلى صوب البيه ضميرك يستريح ارتاح
الوجع بالروح مو قصّة جسد، أفهم
عادي الما يسلّم لا تسلم عليه
زاد الما يغزّر ملحه بي علقم
.
لوحة خلاّبة أبهرتنا بمعانيها النضِرة
أبدعت شاعرنا المكين إبراهيم العزاوي
إعجابي الجم

	طيب الله انفاسك اخي الحبيب يا صاحبي الاخوان حب وموده والماعرفها الروح يا خوية صده

اشكر التفاتتك للخطا الطباعي
واشكر وجودك الدائم البهي
اختي الغالية ست عواطف

ممتنا منكم يا من شاركتموني وجعي
شكرا لكلامك العسل.... يا نبع الحنان

شاعرنا القدير الفاضل / عامر
الله يجعل انفاسك دائما عامرة بالطيب

تحياتي ومودتي

على ياصوب أنام ومحن نهشنشني

وأيامي عكس ياصاح فرتني

وذلولي يخويه هاي كرمتني

واخلاق الخلك دتشوف آذتني


تحياتي

دامت انفاسك الطيبة وحضورك البهي
لك خالص الامتنان اخي أسعد الغالي