الف دارمي ودارمي بقلم عامر الحسيني

	531 ما رخصــــه لا والله يســــوى المـــلايين أصل وفصل من بيت طيب الدواووين

	532 نبضك أسمعه أهناه نبضك بالكَلوب ريحــة مســج هبيت وعذيــبي محبـوب

	533 مو ذنبي ذنب الـــــــــروح جابتني ليكم مامش عرج ماصاح روحي انه بيكم

	534 ياخوية شنهو الصار كَلب اليحب بالنار ماطفته الدمعـــــات مابردتـــه أزهـــــــــار

	535 ماظل دمع يماه من فاركَونه عيني تكت ادموم همه النسونه .... اسعد الله اوقات امي الحبيبة رداً على الشاعرة عواطف عبد اللطيف حين قالت رداعلى الدارمي534:- ياخوية شنهو الصار رحت وعفتني والدمع يجري سيول من فاركتني مسا الخير ابني

	536 صدكَي اجاني الموت من فاركَيته هـــــــو النبـــــض والـــــروح وبعيني ريتـه .... رداً على الشاعرة عواطف عبد اللطيف حين قالت رداعلى الدارمي:- صعبة الفراگ هواي يابني دريته ومن گلي راح يروح ما صدكيته

	537 ادري اليحب بالروح ما يجرح أهواه يتمنى دوم يعيـــش بس كــونه وياه .... رداً على الشاعرة عواطف عبد اللطيف حين قالت:- هو النبض والروح ولگـــــــــــلبي سلواه تدريني كل الناس ماكدر بلياه

	538 بعيـــونج الحلــــــوات هل خيــــم الليـــل نجم وكَمر وافلاك بيها السحر ميل

متابعة لألفيتك الرائعة

أخي الشاعر المبدع عامر الحسيني

سلم الله لسانك

اقتباس: المشاركة الأصلية كتبت بواسطة بسمة عبدالله     متابعة لألفيتك الرائعة أخي الشاعر المبدع عامر الحسيني سلم الله لسانك

	شكرا لك يا منبع الذوق يا رائعة وهذه لعينيك كل الهلا بك يالغلا بسمة العبدالله 539 بسمة التمر بالروح محــــــلاها بسمه مثل الفراشة اتطير نسمه عله نسمه