ليش من أنساك تنساني الحياة حسرة تاخذني وتردّ اتجيبني . علّكَت كَلبي بهواك وما دريت عيونك بهاي البساطه تعوفني . بعت كل العندي بس حتى اشتريك وانت بتراب المهانه تبيعني . خاين ودرب الغدر يتباهه بيك ومن اعوفك ذكرياتي تعيدني . همومي باعتاب الحلم متراكمات والكوابيس بعددها تزيدني . الحزن ما يتقدّر بحاجة فقير ولا طفل يبجي ويكَلّك شيلني . الحزن خفكَة حنين بلا جناح ترفرف وصفنة ضباب تحيطني . بيّه نار وشوكَي ملفوف بعذاب أعثر وجف الكرامه ايشيلني . بلايه عزة نفس ما يسوه الغرام ما أطخ الرّاس للميريدني . هي كلمه تخضّر بوسط الجروح روح وانساني وبعد لتصيحني . .
بيّه نار
العرض الشجري