من أناشيد الصبيان في العراق

للصبيان في العراق أناشيد يرتلونها في أوقات خاصة وهي صورة زاهية للفولكلور العراقي الجميل من ذلك هذا النشيد الذي يردده الصبية وقت الربيع حيث تكثر الاوراد

فلانة طلعت ليبره واخدودها محمره

لاكوها سته سبعه عبدة جانت لو حرة

وعند تساقط المطر يردد الصبية

مطر مطر عاصي طول شعر راسي

راسي بالمدينه ياكل حبة وتينه

ياربي مطرها على عناد العلوجي

علوجي بيده فاسه يمشي ويضرب براسه

وكانت اللقالق تكثر ايام زمان على سطوح البيوت في موسم الصيف فيردد الصبيه

لقلق لقلق أمك تطلق

بواك الصابونه من فوك الرازونه

وهناك نشيد يطلقه الصبية مع اول الصباح على نغم هديل الحمام

كوكوختي وين اختي بالحله

اشتاكل باكله

اشتشرب ماي الله


وينشد الصبية عند ممارسة العابهم

فوطة على فوطة والعين مجلوطة

ياحية اللكلك تدبي على رجلي

رجلي محناية وديتها للخان

الخان ميريدها ايريد بلوطة

فوطة على فوطة والعين مجلوطة


وهذه انشودة يرددها الصبية حين يداعبون سكان الكرادة وهي من محلات بغداد

كرادي كرادي يابو بيتنجانه

خلي الجلب نايم ومعنتر أذانه

طبيت للساحة ولكيت تفاحة

والله ماآكلها حتى يجي خالي

خالي يبو بحرية وعمامته حورية

شالها ومطلها بالكاع طلعت منها ابنية

ابنية اسمها بطة تلعب بتراب الحنطة

ياربي لتساعدها ساعد بنات الجنجل

والجنجل بيده ريشة ويطارد عالكديشة

كديشة عمي سالم تاكل بس اوادم

العن ابو جديته