يمه فكدج صعب والله ولاتظنينه يهون كلبي يبجي دم عليج وكبل ماتبجي العيون يمه انتي الوفه كله ابكلبج الغالي الحنون يمه والله من فكدتج شفت بأيامي القهر ///////////////////// شكد تحملتي وسهرتي والج بربانه الفضل يمه شفتي جم مصيبه من بدتي بالحمل تسعة اشهر تنطرينه يهل يريحان الحقل كلمن يكلك يرفي احكوكها لاما كدر ////////////////// من يوفيها يصاح وحامله حر وبرد تسهر سنين وليالي من تروح ومن ترد يمه منهو اللي يوفيج وبحنانج منوجد شما نسوي شمانقدم يبقه نكطة بالبحر /////////////// يمه وبعيدج علكت اشموع وشتلت الزهور والصواني الحنه بيها يمه واشعلت البخور يمه ابدا مانسيتج لو عله فراكج دهور من اذكرج والله يمه يزول عني كل خطر
من يوفي احكوكها
العرض الشجري