من شعر شعراء بني كعب في الاهواز

من شعر شعراء بني كعب في الاهواز
------------------------------

أجروح البلگلب ما فاد** شدهه
لأن فگد التحبهه الروح ** شدهه
هم تدري الأهل يا خوي ** شدهه
دهاهه الموت و حتوف المنيه
======
سرن بعدن اظعون الأهل ** ون ون
عليهم ينحب الدلال ** ون ون
فر گلبي و صحت يا گلب ** ون ون
گال ابعيد للعنو عليه
----------------------------
محمد صدام الكعبي

ابحبک لیش هل وادم ** لمونی
انه الونیت ما ادری ** لمونی
انا ابعالم الذرذره ** لمونی
ابحبک یا شریچ الروح الیه
---------------------
ابهجرک صرت کلی اجروح ** والمای
کثر واشواگی وسع الارض ** والمای
ابدما الومن انه اعلیک ** والمای
عله الشتت شملنه ابکید غیه
---------------------------
الشاعر وسام الكعبي

شى له علی احصانه ابلطم****علی مهره اولعند الگوم حدر
و اوصل لبو فاضل المجدم****او گله یخو زینب تحزم
ترا الخیل وصلت للمخیم****و انته الچفیل و اللّی اموزم
خواتک نخنک و الحرم****او سکنه اتصیح اتگول یا عم
یا وسفه علی الرمضه امخدم****او معذور یوم اسبحت بالدم
واللوم فاتک یا غشمشم ****لو ما القدر و اللی امحتم
محد ثبت لیک و اتجدم****یجبرهگلب زینب او چلثم
تمنیک مثل هالیوم تسکما
--------------------------------------
الشاعر طعان بن علوا ن ال نبهان ا لكعبي العامري
شاعر شعبي من شعراء خوزستان ولد في الاهواز سنة 1271 هـ.ش الموافق 1313هـ.ق و نشأ و ترعرع في المحمرة و كان يعمل مع والده في الجمرك. انشد الشعر منذ نعومة اظافره و براعته في الانشاد جعلت شيوخ المنطقة يستدعونه لالقاء الشعر في المناسبات. و بعد التقاعد من العمل رجع الى الاهواز و سكن مع عشيرته في العامرية حتى ان توفته المنية سنة 1331هـ.ش الموافق سنة 1373هـ.ق و هو في عمر يناهز الستين دفن جثمانه في بقعة علي بن مهزيار الاهوازي امانة ثم نقل الي النجف الاشرف و دفن في المقبرة الخاصة للعائلة (آل نبهان) نظم اشعار في مجال الديني و الاجتماعي و الحسيني و الحكمة في مختلف الاوزان مثل: الابوذية و الموال و القصيدة و الهوسه و غيرها و نشر له جمع شعره في ديوان و نشر سنة 1388هـ.ش في الاهواز
---------------------

عله اجــروف الــرمل خی ** لا تهـــدما
ابجفــاک او جــرح گلبي ** لا تهـــدمــا
البنیتـــه اویاک خایب ** لا تهـــــــدمــا
التهــــدمه ایطیــح فوکک مـــو علیه
---------------------

(الشاعره الاهوازیه سهـام الكعبي )

قصیدة یا حمامه // للشاعر ملا فاضل السکــراني
---------------------------------
یاحمامه الیدّعي مفجوع بالفرگه مهو بس بکلامه

یا حمامه الفارگ أحبابه ینوح اللیل کلّه ولاینامه

یاحمامه یاحمامه

***

یاحمامه الما بکل النوح فوگ الدوح نحتي

یاحمامه الما بصوت الودّع الخلّان صحتي

یا حمامه الونتچ سویعه تونّیها وسکتتي

یا حمامه الما بعین السهرت من الهم سهرتي

یاحمامه الما بشفرة سیف الفراگ انجرحتي

یا حمامه الما بسچّینة حچي الواشي انذبحني

یاحمامه الما تصوّبتي بسهم عیله و وگعتي

یاحمامه الما عثرتي بلچمة المحنه وسگطتي

یا حمامه الما رکستي بموجة الحیره وطفحتي

یاحمامه النمتي فوگ الغصن مرتاحه وهجعتي

یاحمامه العلی فراش الروض شرقدتي ورگدتي

یاحمامه الما بجنح الشوگ للمعشوگ طرتي

یاحمامه الما بنار الواجها البین احترگتي

یا حمامه بعطبة الشوغات مایوم انلچعتي

یاحمامه الما درکتي الشوگ شنهو ولَفتهمتي

یا حمامه الما دقیقه بناب صِل لوعه انلسعتي

یاحمامه المانصبتي چواین الحرگه ولطمتي

یاحمامه البس بصابع چذب لِدمُوعچ مسحتي

یاحمامه بنوحچ الچذّاب حصّلتي اللیامه

والینوح بحرگه ذاک الهام بالبر وستمر نوحه وهیامه

یاحمامه یاحمامه

*****

غَیري نوحچ یاحمامه وصیري للخنسه شبیها

یاحمامه الونّه من ونةِ المریضه المحّد الها تعلمیها

نوحي مثل الأرمله البالمشنگه تلولح ولیها

نوحي مثل الفگدت العشره الضحی بیوم الکریها

لطمي مثل اللطمت علی ولیدها الراح من ادیها

ابچي مثل أختِ العَلی خوّانها تجدد بچیها

حشمي مثل العَلی الغیره تحشّم ومحّد یجیها

لوعي مثل الظَل علی اُمّه یلوع واُمّه مچتّفیها

سهري مثل السهرت بنَچباتها وذِلها وسبیها

صفني مثل الصفنت بحسباتها وفگدت حچیها

عِثري مثل العثرت بلچماتها الأثّرت بیها

دنچوي مثل الغدت بگلیبها الیخذف چویها

نَزّلي الدمعه شبه دمع الیتیمه وحدّریها

طیحي مثل الهچع کوخ أطفالها وطایح علیها

اِنعي مثل النعت مهضومه ولا بطّل نعیها

وَعّي من النوم عینچ یالحمامه وفزّزیها

یاحمامه أرجوچ گصدي دیار ولفچ وِعتنیها

الگعده ویّا الولف حلوه وبلمسامرجدّدیها

یاحمامه الماتحن للوطن مجنونه وسفیها

یاحمامه الیحب یتعنّه الحبیبه ویترک بلاده وعمامه

ویمشي بدروب المخاطر لو علیه انسدّت ادروب السلامه
یاحمامه یاحمامه
-----------------------