موجود إبليس

إقسمني اتنين..

واجمعني تلات واربع وخميس

واضربني ف جمعة وسبت وحد

ما هو يمكن بعد الضرب بجد

تطرح أيامي شجر ألوان

بفروع فوانيس

والضي النازل م الاوراق

قادر يتغلّب ع الكوابيس

الحلم عريس

وعروسة النيل واقفة حزينة

بتمد الايد

الحب وليد

بس الرافضين

مع كل دقيقة بيبنوا مابين

لتنين متاريس

الفجر الواقف ع الأبواب

متخبي ف قلب غيوم وسحاب

ونهار ما سألت عن الأسباب

كان رده عجيب

قاللي الاجراس مصلوبة خضوع

وادان الحق بيبكي دموع

ع الكعبة واقصاها الموجوع

ووطنا غريب

بدموعي اترجيته يسلم

ويزيح العتمة ويبقى ونيس

قام رد وقال

مش ممكن هدخل وما بينكم

موجود إبليس

...........................

ما دام إبليس موجود
ستبقى التفرقة
ويبقى الصراع
ليتنا نفهم ونتعلم
ونعي الدرس
ويسطع الفجر
وتنفتح الأبواب
ليدخل شعاع الشمس

حروف صورت مرار الواقع

لقلبك الورد
كل عام وانت بخير
تحياتي

مصافحة اولى لحرف جميل

تقديري

انسياب عذب وشهي باللهجة المصرية المحببة

كانت الخاتمة فائقة الجمال

وانا تمتعت هنا بين حرفك الشفاف

دمت وارفة سيدة نجلاء

تقبلي مودتي وتحياتي