عدت سنه!!!!!!!!!!!!

عدت سنه ...

والقلب لسه لهفته

تعصر ف شريانى الأنا

فى الوقت ده

كنا على كف النسيم

نغزل حكاوى عمرنا

كنا هنا

نبنى سوا

قصر الاميره ام الشعور

ونزينه بالحب

والحلم الجميل

ساعتها كنت ف مملكه

تايه ف أحضان الحنان

وعنيكى كانت تبتسم

خلت جريد النخل

فى القريه يميل

صوتك أصيل

يحكى وساويس الغرام

من بعد بعدك تتقتل

كل الامانى ف دنيتى

كل الكلام

ياشمعه كانت ضيها

يهدينى

لما ف سكتى

دايما اتوه

الحلم ضاع

والامل من جوا وجدانى خدوه

عدت سنه

وكأن صوتك نبرته

تسكن ف قلبى من سنين

وعنيكى

خايف أفتكر نظرتها

يدبحنى الحنين

والطيبه

والقلب الحنين

والايدين الطيبين

اه يازمان

فرقتنا

مع اننا

عمره ماكنا فى الهوى

متفرقين

عدت سنه

والالسنه

متكتفه رافضه الكلام

مع انى عايش ف الغرام

اروى بساتين الالم

وازرع امل

يطرح مرار

لو مية سنه

مش هقدر انسى نظرتك

ولا بسمتك

ولا هنسى لحظه عشتها

رغم الظلام ف دنيتى

كانت نهار

***

أكرم عبد السميع

سوهاج_البلينا_نجع مازن غرب

عدت سنه
وكأن صوتك نبرته
تسكن ف قلبى من سنين
وعنيكى
خايف أفتكر نظرتها
يدبحنى الحنين
والطيبه
والقلب الحنين
والايدين الطيبين
اه يازمان
فرقتنا
مع اننا
عمره ماكنا فى الهوى
متفرقين

حزينة و شجية هذه السنة
يا رب اللي جاية تكون خير عليكم يا طيب انت و هي
أثبتها يا باش مهندس عشان تفضل كدام عينيك !!
شلونني بالمصراوي ؟ تمام ؟ و إلا نص نص ؟!
تحياتي أستاذي أكرم و سلمك الله و هذي الحبيبة
ننتظر جديدك هنا و بالشعر العمودي

كل الشكر والتقدير
لك
تحياتى
اكرم

يارب يجعل سنوات عمرك خير وسعادة
دمت بخير
تحياتي

الاخت الكريمه
عواطف
كل الشكر والتقدير لكىا
تحياتى
اكرم ا

الجميل اكرم

احب القصائد العامية المصرية

احبها جدا ..

وهذه الحقيقة تروي عطشي لهذا الفن الجميل

لا تحرمنا تدفقك استاذي ..


دمت بخير


؛

الاخت الكريمه
عايده
اشكرك جدا
على رقة كلماتك
تحياتى لكى
اكرم

أستاذ أكرم
اللهجه المصريه القرويه محببه للنفس
ويتبين مدى التشابه بين اللهجات في مختلف أنحاء الوطن العربي
أتحفنا بالمزيد
موفق

الاخ الكريم
باسم
كل الشكر والتقدير لك
تحياتى
اكرم

رائع وبديع اخي العزيز أكرم