ما أريـــــــــــــــــــــــدك / أليهــــــــــا

ما أريــــدك
أليهـــــــــا

كافـــي ... كافـــــي
يا الوفيت وياك حسبالي توافي
يا الجمت جروح كَلبي وعطشتهن
وجنت أظنك نبع صافي
يا البرد طبعك وأنومه بحضن روحي
يا ثلج وتنام وسط الكَلب دافي
يا السهرت الليل لأجلك
وأنت وي الليل غافي
وجنت ألولي أعليك مثل أمك وأكَلك
نام يا نوم العوافي
يا الوصفتك لليسألوني......
عطر قداح لو كَطرة ندى لمن أبوسك
على شفافي
تالي من شافوك شوك وحنظل
تمرمر بروحي ... شرد أكَلهم
آه يا فشلة الفشله
وآه يا جذبة أوصافي
يا الشعلت الروح ألك شمعه تضوي
تالي من ذابت شمعتي .....
لكَيت ما عندك حنان
وكَلب ما بيه ضوه وطافي
ما دريتك تحب غيري وتمشي عني بعيد
وتصد وتجافي
كافـــي ... كافــي
كافي روح بعيد ما أريدك تجيني
يا الحركَت أسنين عمري شموع لأجلك
أشلون أرجعهن أسنيني
ويا الزرعتك ورده أسكَيها ودموع العين غيمه
وجنت أطشرهن مطر يا دموع
عيني
ما دريتك ملح بس تلجم جروحي
وما دريتك وجع وتزيد ونيني
حيل كل الصار مني...
انا بعت الي أشتراني ...
وأشتريت البايعيني
كافـــي ... كافـــي
كافي ما ظلت سنين وياك أذوبهن
شموع
كافي مو يبّسن عيوني لو بجن غصبن عليه
أمنين أجيب ألهن دموع
كافي ما ظل كَلب بضلوعي تجرحه
الكَلب ذاب وطاح من وسط الضلوع
كافي ما أرجع بعد يا التيهتني وتيهيتك
وتاهت دروب الرجوع
وتهت
دروب
الرجوع

طاحن سنين العمر بدرب المحبة
وانت تصرخ
حيل تصرخ
وبعلو صوتك تنادي
كافي كافي
الشمع ذاب بقهرته
والضوة لمن كسرته
إشتعل ما بقى طافي
شما ردت تخبط بمينا
ما يتغير
يبقى أبيض
يبقى صافي



المعذرة لحروفي
تحياتي

شرد أسولف ذابت شموعي
وكَضت كل السوالف
وجرح كَلبي جروح ما أظنها تطيب
ورد لجمها
وكَلت خل يلجم جروحي وما يخالف
وصرخت بسكوت من كثر الوجع
يا خويه يا نبع العواطف

أسعدني مرورك الجميل وكلماتك الرائعة شكرا ً
لك سيدتي مع أطيب التحيات