گالـوهه أهل المثل
\
نـخلة اني إلهم صرت وبيديني اجني الرطب
وچـتافي إلـهم جـسر مـشعرت لحظــة بتعب
وجـفـني حـظنهم عُـمر مـــا يـوم بـيهم لـعب
بـكـل خـيـر أگولـن نـعم ومـا يـوم ارد الـطلب
ولـمـن لـوانـي الـوكـت وبـيـه زمـاني انگلـب
لا فـزعـه مـنهم اجـت تـركوني وسـط اللهب
مـا كـاطع انـه بـوصل ولا يـوم حـاجي بـعتب
ولا ردت مـنهم ثـمن جـازوني هـيج شعجب!
بس ردت واحد فقط ايفهمني ليش السبب؟
فـضـه يـصـير العُـمر واني الصـرفته ذهـب
گالـوهه أهل المثل
الـعـنگود من يـرتفع حـامض يصـير الـعنب
\
5\6\2022
عواطف عبداللطيف