كافي
بعد اندلاع حريق في جناح عزل فيروس كورونا في مستشفى الحسين بمدينة الناصرية وموت العشرات
\

كـافي عالشعب تضحكون
مــو مـيـت وانـتو تـحكمون

بســــتار الدين اتـغـطيتو ..
مـشـبـعتو وانـتـو تـبـوگون

ما نسمع من عدكم كافي
انـتـو اشـجـنتو لا تـنسون

واحـدكـم مــا يـمـلك بـارة
بـكل شـغلة نـسبة تخَّلون

مـلـيارات تـحـطها بـجـيبك
ولـحـسـابك بــرة يـحـولون

والـشـبان الـحلوة الـماتت
وبــأمـرك هــمـه ايـمـوتون

حـَـطْ الـقـهر ويـاهم حـالة
مِـــــن الــمـاكـو يــتـلـوون

لا مَـي لا كهرب ما عدهم
سـنين أو وعـدك يـنتظرون

سـلـمية جـانـت طـلعتهم
مـــا رادوا بــس يـعـيشون

اسـتعملتوا الـحيلة ويـاهم
مــثــل الــحـيـة تـتـلـونون

كــل يـوم ولـجنة تـتشكل
الـفـاعل مـجـهول تـكَولون

والـكـورونـا لـعـبـت بـيـهـم
واجـمـالـة هــم يـحـترگـون

وصـمـة عـار الـصاير نـعرف
و انـتـو عـالشعب تـجذبون

بــأي دولــة لـو صـاير هـذا
رؤوس الــدولـة يـعـتـذرون

الـمسؤول يحاســب نفسه
وبـالـلـي صــايـر يـعـترفون

مـاكـو واحـد مـا يـتحاسب
صـعـبـة بـالـحـق يـلـعـبون

تالي شـــــلون احنه وياكم
كافي بالكرســــي تجلبون
\
14\7\2021
عواطف عبداللطيف