لمين بعــــــد اليــــوم بدنا نشــــتكي
جفت دمــــوع العين من كتـــر البكي
كــــــرم اللنـــــا ودروب أيام الصبـا
صـارت عا مر العمـــر ذكرى ملبكي
هالعمـــر متل الحلـــــــم بيمر بعجـل
مع كل مطلــــــع شمس عنا معركـة
ما عاد عنـا جســــم يتحمــــــل تعب
ولا مقــــــــدرة عالــولدنة والفــذلكة
لازم نقــر ونعترف رغــــــــم الألـــم
انو النحـت بالصخــــــر ألنا مهلكـــة
بدنا االسِلال بلا عنب وبَعـــدْ الضنى
عــــــا زنــــــد حلــــــــوة نرتــــكي
ونســـــــــــلم الرايات للجيـــل الفتي
ليعمروا من جـــــديد دولــة ومملكة
واللي بقي من العمر نقضيه بهدوء
ولقمة هنا لو كان صحـــن مفــركة
عيش برضا خلي القناعة مســـكنك
أحسن من قصــور وعلالي مفبركة
ما في غَني مـــــرتاح بالو بالحياة
بالرغم من انو طريقو مســــرمكة
لا تنحنـــي للعاصفـــة ولا تشــتكي
خلي حياتك بالشـــــموع مشكشكي