يمته تهـتز الشوارب
\
بـهالزمن شفنه العجايب
خـلـقوا انـواع الـمصايب
بس چذب والفعل غايب
؛
واحــد يـبـاهي بـتـفُگته
وثـانـي لـهَّـيان بـركُـعته
وثـالـث يـلمَّعلي كـصته
؛
ورابع مضمضملي راسه
حـالم بـكرسي الرياســه
وهو خايس من أساسه
؛
واحـنـه بـالفتنة الـتهينه
والـعُـمر راح من ايـدينه
بـس دكولولــي شجنينه
؛
الوطن ســـاحة تجارب
والوجع بالگلب ضارب
يمته تـهتز الـشوارب؟
\
عواطف عبداللطيف
10\1\2018