بـهــداي أمش
---------
بهداي أمش...
متعلـﮔـه روحي بفـد هـرش
بهــداي أمش
نـﮔلة إجـدامك جرشت ﭽـبودي جـرش
هذا العلى متونك شعـر ؟
لـو بردي طش ؟
وهـذا العلى وجهـك صـدﮒ عين ورمش؟
حسبالي شط..
وجرافه متدليه نخــل فارش فرش
هذا خصر....؟
لوخيط واصل بين صدرك والورك ؟
لا تنـﮔـطع بهـداي إمش
خل انتمعن بيك ...
يا الما بيك لوله ولا دغش
يا حقل ياس ومسـچ بالنعناع رش
طـﮔـة الجدم..
تنده عصافير الغرام النايمات بلايه عش
يفزن علي بعيونهن لوعة وعطش
ياهو التشيل ايـدك عليه وتـﮔـله أش
لا تمـر خطف.... ثـﮔـل المشي ...
خل مشيتك مشية نعش
خل انتمعن بيك ...
يا الما بيـك لوله ولا دغش