مظلوم ** بعد ما صرت كومة من الحطب سهام النقد واللوم كترت والعتب سطور الغزل بوح القلم .... كلشي انكتب .... كان المشكلة والسبب ** اقسم بذات الله وكتابو الكريم وكل الأئمة وأيام الحساب ما عاد حرف النون يغريني بعد ما غرّبت شمس الشباب وتعطلت مني الركب ** لما العمر بيقارب حدود الرزيل والدوا للختيار أكتر من معين وبيختفي بكانون من كرمو العنب ما عاد يغريه العشق والفذلكة والصوم بليالي رجب ** ولّت ليالي الأنس وتوارى القمر غابت من الأيام ألوان الدهب نيال يللي بينتهي متل الشجر بيموت واقف لا عذاب ولا عطب *****