ردت اكتبلك وطنه شو دمع عيني انتثر = والحرف كدامي يبجي والجبد مني انفطر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
صدك انت ياوطنه تصير بيدين الجهل = دمروا كل مابنيناه وغرك ذاك الأمل
من أفكر اظل حاير الجهل بيك شعمل = وابكه اجر حسرات تالي انكسر من عندي الظهر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
يا وطن حبي الك من جنت انه بالمهد = واقسمتلك ماأخون وياك ياغالي العهد
تالي طال العمر بيه شفتك وكلبي انمرد = من أشوف القتل والموته على مد البصر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
جتك اقزام النجاسه وبيدها تم الهدم = وكل عراقي صفه من القهر بس جلد وعظم
والشريف اتشوفه يتحمل أذى وضيم وهظم = فكره مويمه ولون يمشي عثر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
ندعو الله ياوطن ينقذنه من هذا الحزن = ويرفع الغمة ويزيل الكدر عنك ياوطن
ماكو مثلك بالمصايب والحزن ظل ممتحن = وبالصبر الله بكتابه كال تلكون الظفر