طـلـقـنـى
طلقنى بقوللك طقنى
دا انا عشتى معاك بتزهقنى
من نارك دى بقى اعتقنى
مع السلامة بقى باى باى
كل ليلة ترجع سكران
روح الشغل تقول تعبان
وتقول دا انا منك زهقان
وهشوفلى واحدة هاى هاى
خلاص تعبت من امرك
دايرلى على حل شعرك
سدقنى هكسرلك رجلك
ان شالله يدوسك ترماى
دا انا نفسى افهم احوالك
ريحنى بقى وقول مالك
يااخى راعى بقى عيالك
دا انت دماغك فى الباى باى
وانا اللى عايشة ومتزلـله
وعشان عيالى مستحمله
وعنيه من دمعى مزغلله
وتقوللى هاتى مناديل فاى
بقلم/هاجر محمد منصور