|
عمت عين ألزمن ماأنصف وياي
عمت عين الزمن ما أنصف اوياي
لو أدري أبد ما فاركتكم ** أشتريت ألحزن بس يشهد ألكرار بعت الدنيا كلها أو ما بعتكم ** يا ما ذكريات أنكضت ويا ك ويا ماصور با لحيطان ألكم ** يعمي أشلون بيه أهواي مشتاك اتمنى أبلحدكم انه غافي ** تعبان أو رجيج أو نومي شلون أنه لو أم أنومك با لعوافي ** يا جمرة حسرتي وطفرة ألروح على جمر ألقهر أمشي أنه حافي ** أيا ما كعدنا أو كمنا وياك يبو كلب ألجبير ولبن صا في ** ها عمي أشفت كلي أشجره أوياك رهبة موت كلي ابحالك شلون ** بعمي ألحزن يثلم ثلم سجين ويحتاج الينوح الدمعته عيون ** تعال أو شوف بيتك والحياطين على كل أثر منك هم يونون ** أخوتك لو خواتك من يشوفون ربعك با لمضايف من يضحكون ** يهل البيت مزنه أو يشتعل نار أو كبل لايبجي عمك همه يبجون ** أنه بيه ألنوايب شجن أرماح أنحنى ظهري يعمي أبدونك أنته ** صا حبتك جرح من عمري ظنيت توفيني ألتعب ذاك ألتعبته ** ما ضنتي أنتفارك وحدي ضليت ولا كلبي يهود من حسرته ** شسولفلك يعمي أشسوه ألفراك بغيابك أتغار الهم حملته ** شفت ألموت عمي وحالك شلون الشريف اشما تعب ما يلكه راحه ** هلك عمي أو مرارالحزن مربيك تلكه أوجوه مليانه سما حه ** أنه الردتك يعمي ألساعه ألعوز لجن طبع الوكت بس الكبا حه ** بعد عمي حجرتك شايله أهموم أو بعد كل ذكريا تك طيف بيها ** من نشتاك الك تا خذنا الهموم نجي او بجروحنا انسولف عليها ** يعمي الموت اخذكم وانه ضليت ابحسرتي الزمن دك دكات وياي ** الف موته اموت او كلت ارتاح يا عمي اشكبرها اهموم دنياي ** أذكر مشيتك والطيب الوياك يهزني الشوك جنك من صدك جاي ** افز مرعوب واتعثر با لأشوا ك احس با لنار تلجمني ابثنا ياي ** ما ضن الكه مثلك بعد هيهات انه ابشيمة العدك ارهب اعداي ** ألف وسفه طواك الموت يا حيد والف وسفه ايتخطى الفاسد الراي ** أمس عنكم يعمي ** راحلينه ولاشفنا بعدكم ** راحلينه اهواي اعزاز مثلك ** راحلينه أمن صدورألمجر ألكم تحيه ============================= مع تحيات الشاعرعلي كاظم درجال ( أبو عمار ألربيعي) |
رد: عمت عين ألزمن ماأنصف وياي
اقتباس:
سلمك الله و سلم كل حرف خطته يمينك الكريمة ولكن سامح الله كلماتك فهي ثكًيلة حيل على القلب و العين كثرت نوايحنا و كثر بجينا عمن كل حيد نام بكتر جوه حفنة تراب و ما ظل منهم غير ضبة صور و كومة ذكريات و ما ظل للكًلب بفراكهم بس ونينه !!! أثبتها و بانتظار مشاركات باقي المبدعين في الدار بردودهم على هذه الحزينة و أتمنى لو أني كنت أجيد مسايرتك كل ما أملكه هو أن أقول لك : أبدعت و صح لسانك حماك الله أستاذي الفاضل علي |
رد: عمت عين ألزمن ماأنصف وياي
شكرا للأستاذة وطن النمراوي على هذا التعقيب الرائع واعتذر عن التأخير لظروف خاصة سلمت شاعرا مبدعا وناقدا شفافا ،، تحياتي
|
| الساعة الآن 06:58 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.