|
يومين وبردّه (1)
لما شفتو جايي من بعيد فرح قلبي وكأنه انولد من جديد عيونو دمّعو.. والدمع من عيوني يفيض ركضت لعندو مشتاقة طفلة عم تحلم بلمسة ايد كنت اركض واتعثر.. بدي هالمسافة بينا تقصر وأخيراً.. وصلت لعيونو هالعيون الحلوة اللي ما بتتغير همستلو بشوق مفضوح.. حبيبي كثير.. اطلع فيي وبصوت مبحوح همسلي.. حبيبتي اكثر.. قلتلو لا عاد تغيب عني فراقك نار ما اتحملها هجرك والله يذبحني باشارة من ايدو سكتني قلي هالنار اللي بتحكي عنها هي ذات النار اللي بتحرقني حكاها بلهجة غريبة.. قلبي انتفض.. وسأل: مالك حبيبي؟! جاوبني بسؤال تاني.. بدوني شو بصير فيكي؟! هزني سؤاله! بس.. تمالكت اعصابي وجاوبتو.. انت اغلى احبابي بدونك انا اعاني صبية قلبها مكسور.. ما اقدر اعيش بلاك لو ثواني بدونك انا.. قصر مهجور ولو تتركني.. اموت بمكاني.. ستنيت يحكي.. يطمني.. حسيت بدو يبكي.. لما عاود وسألني.. ممكن تعيريني قلبك يومين؟ طالعتو بعيون حايرة.. بس ما اظنه فهم هالنظرات لان رد فعله كان.. https://img813.imageshack.us/img813/2...c1cd879oz6.gif لا تخافي مني.. يومين واوعدك اردّه! لا تخافي مني؟! يا حبيبي انت مني.. منك انا ما اخاف.. هاك قلبي ولا ترده.. الك عطول كل غرامه ووده مديت ايدي عم بخفي النهدات وطلعت قلبي من بين لِضلوع اعطيتو فؤادي وصدري مليان آهات اخذو وقلي بصوت دوبو اللي مسموع يومين وبرِدُه... اخذو من بين ايديي.. عيونو حضنو عينيي.. وبعد بشويي.. عطاني ضهرو ومشي لبعيد من شوي كان قبالي راح وتركني عم حاكي حالي.. |
رد: يومين وبردّه (1)
جمال في جمال تسلمي يا روان |
رد: يومين وبردّه (1)
روان حلوة كتير اللهجة الفلسطينية ، أمورة انتِ
ناطرة بكرا لنشوف شو رح يصير |
رد: يومين وبردّه (1)
الاستاذ شاكر السلمان ، تواجدك الاجمل استاذي .. دمتَ طيباً .. مرمر ، حبيبتي ههه ,, محدا امور غيرك ^_^ ! |
رد: يومين وبردّه (1)
ركضت لعندو مشتاقة طفلة عم تحلم بلمسة ايد كنت اركض واتعثر.. بدي هالمسافة بينا تقصر رغم أني لم أستطع قراءة النص قراءة شعرية ولكني التهمت كل معانيه ولم يصعب علي سطر واحد ولو كانت هذه المعاني في قصيدة فصيحة لكانت من عيون الشعر العربي لما فيها من معاني آسرة ليتك تقدمين النص مقروء لأنه رائع وجميل أحيي هذا اليراع الذي يخط أجمل الأحاسيس والمشاعر تحياتي ومودتي |
رد: يومين وبردّه (1)
اقتباس:
أستاذي ، وانا مثلكـ .. بهذا الاقتباس لم استطع ان اقرأ النص قراءة شعرية , ولكن اذا جمعته بالبيت السابق فسيسهل عليكَ ذلك, فكل فقرة لها نغمتها الخاصة ..:1 (39): احيي مروركـ الأعذب من عذب :1 (29): مودّتي ~ |
رد: يومين وبردّه (1)
جميل ما قرأت ... قرأته أكثر من مرة وسمعت فيه صوت (فيروز) وهي تغني شايف السما شو بعيد بعد السما ........ وشايف البحر شو كبير كبر البحر ........ مع تمنياتي أنو بعد يومين ما يصيرلك غير الصحه والفرح والخير أنشاء الله تحياتي يا روان
|
رد: يومين وبردّه (1)
اقتباس:
اثلجتَ هذا الصدر الحزين .. لك مودتي ! |
| الساعة الآن 07:13 AM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.