ما نسينه
 

ما نسينه


ما نسينه ألعشره بس أحنه انسينه
وحته شارعهم يون
لو بيه مشينه
گلي شنهي ألصار وتبدل هواكم
وحنه غير وجوهكم
لا ما هوينه
يا نخل انه أزرعته بشوگ عمري
بس تمر من النخل
لا ما حوينه
بس تجاري ادمومنه من ألسله ماله
وحنه بس السله منه وهم رضينه
گلي شنهي البدر
ما ندري بغلطنه
وحنه كل سطور حبك دورينه
وما لگينه
وما نسينه احنه شحجينه
ولا نسينه العهد باقي شما بقينه
حته لو تنسه .. انته انسه
وروح وبعد
وضيع ألعرفه وغرب لو تمر بينه
وانسه حته الاسم
ما مر بيك مره
وانسه كل ذاك ألحجي وكل ما طرينه
وشگگ بأيدك ورقنه
شما كتبنه
ونسه شبگات ألعشگ ونسه أدينه
راح نبقه
شما تسوي
مثل ما احنه بدينه
يلي حبك گلب بين اضلوعنه
ضل باقي بينه
شما تغيب شما تجافي شما تعادي
يبقى حبك
عدنه عين نشوف بيها
شما مشينه
ولو ترد ما جن نسيت
وننسه كلشي
احنه مثل البحر ما نطرد سفينه
احنه مثل البحر ما نطرد سفينه

تحياتي

رد: ما نسينه
 

رد: ما نسينه
 

رد: ما نسينه
 

الله عليك ..
جميل جدا جدا
كتبت و ابدعت

القدير علي التميمي
الاجمل تواجدك في صفحتي شاعرنا المبدع
تحياتي وتقديري

رد: ما نسينه
 

نص برتبة جمال
إذ احتوى على انثيالات وجدانية بصور سلسة التغلغل لتداعب المشاعر.
تحياتي.
الاديب عمر مصلح
مجرد مرورك في صفحتي المتواضعة هو الجمال كله
تحياتي وتقديري

رد: ما نسينه
 

رد: ما نسينه
 

رد: ما نسينه
 

جميل يا خوي ما كتبت سلم لسانك

رد: ما نسينه
 

رد: ما نسينه
 

المبدعة احلام المصري
الروعة هي كرم تواجدك في صفحتي المتواضعة
تحياتي وتقديري