|
حروف متفحّمة
حروف متفحّمة جنّه صغار,, والدنيه : مقامات,,,,, ولما له ظهر بيه تره يحير بعمر مبيوك ,, ورْبينه مصاليخ ,,,,بطرك احلامنه شلون العصافير خذوا ريشاتنه,, مثل الحمامات ,,,,,,,, وجبناها زحف ما نكدر نطير عافونه يتامه ,,بذيجه ليّام ,,,,,,,,,, ومثل يوسف ربينه بوحشة البير يدولبنه الوكت ,, باشكال والوان ,,,,,, ولسْعات البشر مثل الزنابير نتلكّه الصبح ,, كبل اليزرعون ,,,,, ونودع الشمس ويه الزرازير خاوانه القحط ,, من احنه وصغار ,,,,,,, هاجس ليل ومرافج نواطير ومعرفنه الشبع ,, بس احنه منكول ,,,, وسدينه رمقنه, بخبزة شعير ايّام السلم ,, تبجي المواعين ,,,,,,,,,,,, وبالكلفات بجّينه الشواجير طبع جمّار ,, والدنيه سجاجين ,,,,,,,,,, وكلوب الربع هورة خنازير تعودنه الامانه ,,وحب الاوطان ,,,,,, ,,, وما بعناها بكوام الدنانير شيّعنه الفرح ,,من يوم عاشور ,,,,,,,,,, وتِعلّمنه نِونْ مثل النواعير شِربْنه من الحزن ,,والضيم كاسات ,,,وتْسلّط علينه جبير وزغير ولهسه الشمر ,, يذبحنه كل يوم ,,,, موش بسيف , بسنون المناشير وبعده عيونه ,,مرافجه الدمعات ,,,,, وبضلوع الزلم ضيم المسامير هل العيد ,, وانت بعيد ما جيت ,,,,, وتِظل بيبانه ترابي الخطاطير نشدنه عليك ,, زوّار المحطات ,,,,,,,,,, وخلينه خبر يم المسايير ومن أيّسنه من,, جيتك بهلعيد ,,,,,,,, ,صبّرنه خواطرنه بمعاذير وقشمرنه الرمش ,,بكواغد العيد ,,,,, وكلناله يجينه بعيد , الجبير |
رد: حروف متفحّمة
الله عليك يا استاذ جودة
صور جميلة وحروف رقيقة والفاظ عذبة اني أراها حروف متأملة وليست متفحمة ود واعتزاز |
رد: حروف متفحّمة
احسنت صح لسانك الأستاذ والشاعر المبدع جودت الأنصاري دمت شاعرا مبدعا لروحك مني كل الحب |
رد: حروف متفحّمة
تفحمت من الالم دكتور اسعد فرحت بمرورك العذب هذا فشكرا ونتواصل |
رد: حروف متفحّمة
شكرا استاذ حسن الاعياد شيئ خاص ومميز تغلب فيه المبالغه سواء في الحزن او الفرح اسعدني تواجدك احترامي |
رد: حروف متفحّمة
فلكلورية مشوقة.. صح لسانك..
مع التحية أخي العزيز: جودت الأنصاري... |
رد: حروف متفحّمة
أحسنت
تستحق التعليق لي عودة تحياتي |
رد: حروف متفحّمة
استاذي الشيخي هذا من حسن ذائقتك فشكرا اخي اسعدني تواجدك احترامي |
رد: حروف متفحّمة
الرائعه عواطف لردودك طعم خاص تميزه جمالية الاطراء ومن القصيده : لتسولفلي عن الآه ويلاه ,,,,,تعلمت الشعر يم الصفافير ودي |
| الساعة الآن 12:41 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.