|
مليت الصبر
ياحبيبي لاتظن كلبي حجر //////// دوم تهجرني وتخليني بخطر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ اسأل كليبك يعلمك حالتي /////////// ويخبرك عن زفرتي وعن ونتي ابهجرك آنه والله عشت بظلمتي /////// ودمعي علوجنات ساجب جلمطر ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ صرت هايم مثل قيس وقصته ///////// وعشت باحزانه حبيبي ومحنته فركتك لكليبي والله تعبته ////// وراح قصتي تشتهر طول الدهر ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ اشعمل ولفي بيه من صد وزعل //////// تفطر كليبي وضعف جسمي ونحل جنه نار ابوسط دلالي شعل //////// اتحمل الآهات مل حتى الصبر ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ |
رد: مليت الصبر
الأخ الحبيب والأديب الأريب د.أسعد النجار قصيدة من الموشح في الشعر الشعبي ذكرتني بقصيدة للشاعر ملا منصور العذاري الحلي الذي جعل مطلع قصيدته الشعبية مطلع قصيدة أمرئ القيس القائل : دنت الساعة وانشق القمر...لغزال ٍصد َّ عني ونفر حيث قال، وهذا مقطع منها: ينفر أشسويت من ذنب اويصد...شنهو صوجي الصار لابد عن كصد جن طلع ملاّل وافعالـه تضــد ...يتعب البــاراه والــوّده خســـــــــــر *** يخسر الباراه والوده نجل ... من صدوده أحاه وبحالي شعمل جيده الفتـّان وبسحر المقل ... جم مثل هاروت لو شافه انسحر *** ينسحر هاروت لو شافه اوهوه...وشعمل بالناس بفنون الهوه موسى بن عمران ثعبانه هوه ...جم روو آيات عنه وجم خبر *** بالشهر بس يوم من عنده التمس...يجلي عنه ابشوفته ليال النحس يرضه دهري الناس كل وكت ابعرس...وانه دهري اكضيه بحزان وكدر قصيدة أمتعتنا ولون من الوان الشعر الشعبي تغلغل في الروح فانتشت جذورها بماء الأصالة .. دمت مبدعا ً لايهون وفنارا ً لكل الأداب والفنون.. دمت بود مع أعطر تحاياي |
رد: مليت الصبر
الاخ العزيز استاذ ناظم الصرخي
شكرا لمرورك الرائع الذي اسعدني وثنائي لاختيارك الذي ينم عن ذائقة رفيعة مودتي وتحياتي |
رد: مليت الصبر
أسأل الناس على حالي= أشلون عذبتني الليالي
وأنت دوم اللي على بالي = وگلبي مات من القهر ***** من رحت عني بعيد = گلبي والله مو حديد كلشي منك ما أريد =بس يجي منك خبر |
رد: مليت الصبر
شكرا لمرورك العذب سيدتي الفاضلة
سهرت من أجلك ليالي نحل جسمي وضاك حالي كلي يامحبوب تالي شوكت ياتينه الخبر ـــــــــــــــــــــــــــــــــــــــــــــــــ خبر جيتك ياحبيبي انته بالدنيا نصيبي كثر يامحبوب شيبي والله مالك كل عذر ــــــــــــــــــــــــــــــــــــــــــــ انته تدري زين بيه فركتك صعبه عليه ماشفت مني أذيه انته شمعه بهلعمر |
رد: مليت الصبر
من رحت عني بعيد
ما بقى عندي جديد والوجع بس إليزيد صار كل يوم بشهر |
رد: مليت الصبر
أنتظرتك بس تجيني
وأفرح بچيتك ياعيني أنسى همي وكل سنيني لما يضويلي الگمر |
رد: مليت الصبر
تدري انته كل حياتي
وبعدك يكرب مماتي اتغيرت عكبك صفاتي اتعودت بس علسهر ـــــــــــــــــــــــــــــــــــــــــــــ عودي بعدك يبس عركه والحزن يلكاني ملكة من بعادك بعد شلكه غير بس غربه وهجر |
رد: مليت الصبر
انته صبرك وين وصّـل يا سعد
آنه صبري وصل حد الماله حـد أنته هـم جنيت لو لســه بعـــد آنــه مــن سنين جنني السهــر ================ |
رد: مليت الصبر
صبري يبراهيم خلاني شبح
العكل من طار والشامت ربح كمت افوج رمال واعبرهن سبح لاتظن واشي لفه يمي وحضر |
رد: مليت الصبر
صبري يا بو سعـود خلاني عظـم
المشوا ما همـوني هماني الهضم من على عنــادي اشوفـن يبتسم بودي من شماتي اغط راسي بجمر |
رد: مليت الصبر
لا تصّبر اسعد لتكلة إنتظر
المشوا ما هموه هماه الفجر مو على عنادك تراهو يبتسم على عناد الراح وخلاه بهجر عذرا استاذي الدكتور اسعد ان ذكرت اسمك هكذا مع كل الأجلال |
رد: مليت الصبر
آنه يا بو سعـود خلاني عظـم
المشوا ما هموني بس همني الهضم من يمر شامت عليّـه ويبتسم أحس حدر ضلوعي يتسعر جمر |
رد: مليت الصبر
اقتباس:
صبري يابرهوم فت اعضاي فت ماجره اعله احد ولامثله شفت جيت عليه مثل جني جفت ودمعي يبراهيم كت مثل المطر |
رد: مليت الصبر
اقتباس:
شما تناديني بكلبي غاليه آنه مثل البلم وانت الساريه وهاي جلماتج اتخفف كل كدر شكرا لمداخلتك مع التحية والاعتزاز |
رد: مليت الصبر
احنـــه يا دكتــــــور مللنه الزمان بينه كومه جروح ما يكفي المكان مـــا يفيد الشل بعــــد فات الاوان والزرع دكتــــور ما طلــع تمــــر |
رد: مليت الصبر
آنه راح اسمع حجي اختي وقار
كل حجيها حكم بيه عز وانتصار وانته يمحمد تعال وبقتدار خلي نسهر وبفرح ويه الكمر |
| الساعة الآن 12:32 AM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.