|
ببجي!!... 😁
ببجي!! (المشهد رقم / 1) مفزوعا أستيقظ مسعود على صراخ زوجته قائلا : مسعودة، أعوذ بالله من الشيطان الرجيم، شوووو في لويش بتصرخي!! مسعودة : يالله قوم الدنيا صارت ظهر، وأنت بعدك نايم!! ، روح اشتري النا فطور مسعود : ما بتقولي الدنيا ظهر، ولشو الفطور!! ، حضري الغدا مسعودة : فش اشي اعمله غدا!!، يالله قوم يا زلمة عاد، الولاد جوعانين! مسعود : فش اشي!!، ولعاد امبارح شو مونتي للبيت، ما انا معطيك خمسين دينار، دينار ينطح دينار، وين طاروا!؟ مسعودة : يا زلمة ما صارت الخمسين دينار هالايام عن عشر دنانير! ابنة مسعود :يابا ،يابا، بابا مسعود : نعم يا احلى وردة بالكون، حبيبة ابوها.. ابنة مسعود : معك مصاري؟ مسعود : لويش؟ ابنة مسعود : بدي ادفع قسط الجامعة، عشان ادخل الامتحانات النهائية.. مسعود : الله يلعن ابوك يابا وابو الج... خلص تدخليش الامتحانات النهائية، بدبر عذر طبي من صاحبي بنت مسعود : اقلكوا بطلت اروح على الجامعة... بطلت هاي عيشة!! ابن مسعود الكبير : يابا يابا، بدي قسط الدرس الخصوصي قربت امتحانات التوجيهي.. مسعود : ارسب يابا، ارسب وحقق أحلامك والله لعملك حفلة ما صارت.. مسعودة : كأنك انهبلت يا زلمة!! آخر العنقود : بابا بدي عثر دنانير اسحن حزم للعبة الببجي مسعود : ببجي قلتلي لعد!!، ولويش الحزم يا بابا اي هسا بدي اقلبها ببجي عن جد!! (مشهد رقم / 2) : مسعود، مسعود، حبيبي ما شبعت نوم ، الدنيا داخلة على الظهر وأنت بعدك نايم!! ، : صباح الخير حبيبتي.. / صباح النور يا عمري يالله صحصح، غسل وجهك عشان تتغدى... :يابا ،يابا، بابا مسعود : نعم يا أحلى وردة بالكون، حبيبة ابوها، انتِ بس اطلبي.. : قرب قسط الجامعة،وصار لازم أدفعه عشان أدخل الامتحانات النهائية.. مسعود : أنت تامريني امر، إبشري يابا اليوم المسا بكون معك القسط كامل : الله يخليلنا إياك يا أحن بابا بالدنيا : يابا يابا، بدي قسط الدرس الخصوصي قربت امتحانات التوجيهي.. مسعود : امرك يابا، انت بس ركز بدروسك وما تهكل هم، يوم المنى أشوفك أكبر مهندس أو دكتور. : حبيبي، معلش ملناش غيرك نطلب منه.. : بابا بدي عثر دنانير اسحن حزم للعبة الببجي مسعود : ببجي قلتلي لعد!!، تعال تعال، والله أنت يا بابا من اهتماماتك شكلك الي رح تكون هبيلة زي أبوك !! |
رد: ببجي!!... 😁
بعد التحية الطيبة..
عزيزي المشاهد، قصدي القارئ أنت مع أي واحد من المشاهد ولماذا؟ . . هذا ونتمنى لكم مشهداً سعيدا ً..😁 |
رد: ببجي!!... 😁
المشهد الأول سلبي يعكس تصرفات أب لا يشعر بالمسؤولية ولا يهتم لنجاح ابنائه لأنه لا يفهم معنى النجاح العلمي (مداركه على قدر ما تعلمه ) المشهد الثاني ايجابي لأن الوالد متمكن ينظر لمستقبل ابنائه بالشكل الصحيح في عصر العولمة تحياتي |
رد: ببجي!!... 😁
مع المشهد الثاني لما فيه من تدبر وتأمل
|
رد: ببجي!!... 😁
المشهد الثاني يدل على إيجابية الوالد ، وتعاطيه مع أبنائه ،
وذلك لتحسن حاله المادي كما يبدو . في المشهد الأول كان حال الوالد المادي وعوزه السبب في سلوكه مع العائلة . وكان الله في عون مسعودة ومسعود والمساعيد أبنائهم . رصدت مشهدين يتكرران في أغلب البيوت العربية دام قلمك وأهلاً بك - تحياتي |
رد: ببجي!!... 😁
الفلوس تحكي
المشهد الأول سلبي بالأكراه لأنه مفلس والمشهد الثاني جيبو مليان ويغرد |
رد: ببجي!!... 😁
ربما لم تحدد الحوارية الحالة الإقتصادية للرجل... فلربما كان بخيلا في الأولى وكريما في الثانية..
دمتم بخير |
رد: ببجي!!... 😁
اقتباس:
بعد التحية الطيبة.. أتفق معك شاعرتنا بأنه إحتمال كبير بالنسبة للمشهد الأول.. ولكن قد يكون الأب او رب الأسرة هنا مظلوما.. طفران، فقير الحال.. مستنزف ماديا.. مثلا! منتف ريشه الله وكيلك.. 😁 أما المشهد الثاني قد يكون ميسور الحال / مقرش.. مرتاح من جميع الجوانب.. بس هو بيني وبينك طيب طفران شو ذنب الأولاد والزوجة يتعامل معهم بهذا الأسلوب!!، الله يعينو أبو العيال ويفتحها عليه.. . . مرحبا بحضورك شاعرتنا الموقرة / عواطف عبد اللطيف.. لرايك كل الاحترام والتقدير ولكن هو تفكير خلف الكواليس.. 😁 |
رد: ببجي!!... 😁
لعبة تافهة كشفت وجعًا حقيقيًا حيث تقمع الأحلام وتموّل التفاهات بسخرية موجعة دام لكم الألق مودّة بيضاء |
رد: ببجي!!... 😁
سلام من الله و ود ،
من بين الحلم و اليقظة ، و بتقنية الكوميديا السوداء و باللهجة الشعبية المحكية: وصفتم و شخصتم الواقع المؤلم بفارق و اقتدار... نص مدهش حكى وجع كثير و حقق الدهشة لا ريب... لكم القلب و لقلبكم الفرح ... أنعم بكم و أكرم ...!! محبتي و الود |
| الساعة الآن 03:09 PM. |
Powered by vBulletin® Version 3.8.9 Beta 3
Copyright ©2000 - 2026, vBulletin Solutions, Inc.