مدري والله شرد أگول

[عواطف عبداللطيف]

المعذرة لهذه الغصة
كما خرجت


مدري والله شرد أگول
\
مدري شرد أحجي إلك
وشرد أگول
أنت تدري
هذا گلبي صار جمرة
يحترگ بين الضلوع
والشمس راحت بعيد
والگمر شال وزعل
وإنطفت حتى الشموع
لازمتني طول يومي ونتي
وصار خدي مثل مجرى للدموع
لا تگلي
دمعتج تغلى عليَّ
وفرحتچ عندي الأمل
وأنت تعرف الفرح سافر بعيد
والضحك عني رحل
من زمان
لما غادرت المدينة
والأهل حتى النخل والياسمين
كلشي من يمي هرب
كلشي ضاع
راح شغلي
راح بيتي
وضيعت حتى الأمان
صارت أيامي صراع
بين شوقي والحنين
يا بعد عينج يا أمي
دمعتج زرفت مهجتي
بالوداع
بعد ما عندي صبر
إشكد أنتظر
حتى گلبي هم تحجر
ياحسافة على العُمر
لما يمُر
والسفينة بلا شراع
إشوكت أرجع
يا بعد عمري دگلي
آني ما خبي عليك
ما هِنا زاد بغربتي
وغصت بگلبي حسرتي
وضاگت بهمي غرفتي
وروحي ما تعرف هجوع
والثواني صارن بعيني سبوع
بس دگلي
\
عواطف عبداللطيف
25\10\2011

[كوكب البدري]

وماذا تقولين غير الاحتساب يياامي؟
اعانك الله الف مرة في الثانية

[مصطفى السنجاري]

لا تقولي أيَّ شيءْ
إنه الموت البطيءْ

إنه الخوفُ من المجهولِ
في عصرٍ رديءْ

كلُّ ما فيه بذيءْ
كلّ ما فيه مُسيءْ

آه ما أشقى الذي
موتُهُ يغزو المريءْ

أنا يا سيّدتي من
كلّ ما يجري بريءْ

إنني لا أنتمي
لندى كفّ القميءْ

إنني لا أطلبُ الماء
من الجُبّ الظَّميءْ

رأسُ مالي كبريائي
فاعذري جبنَ الجريءْ

موتُنا سيّان في الطَّعم
بضوءٍ أو بفَيءْ

كلّ شيءٍ ممكنٌ
غيرُ مَنْ راحَ .. يَجيءْ

[عواطف عبداللطيف]

مدري والله شرد أگول
لا تلوم الروح
من كثر الحنين
طالت الغرية عليَّ
وزيدتْ بگلبي الونين
صار مثل الچمر بالموگد يفور
أدري كل الراح ما يرجع بعد
وانطفة ضي السنين
والزمن هو الرديء
وما بقى إلنة سوى الموت البطيء
وبغيابه
تشمت الشمات بينا والعذول
يا بعد عمري شسوي
بكل فجر تنشدني عنه
تنتظر وقت الرجوع
حتى حرفي صار من أكتب يثور
بس دگلي
الوجع يمتة يزول
شرد أگول
\


الشاعر مصطفى السنجاري
مشاركة بحجم الوطن زادت من نزف الجرح
حماك الله وأسعدك
شكراً من القلب
تحياتي

[عواطف عبداللطيف]

وماذا تقولين غير الاحتساب يا امي؟
اعانك الله الف مرة في الثانية

حسبي الله ونعم الوكيل

شكراً لحروفك
دمت بخير
محبتي

[دوريس سمعان]

تمتمات مليئة بالوجع عزيزتي

ماذا نقول وقد هشم الشتات فينا
كل أباريق الفرح والأمـان
وتركنا تحت أقدام عاصفـة شرسة

لقلبك .. كل المحبـة والدعاء بالسكينة

[الطبيب الشاعر/ د.محمد رزق]

الله .. ماأجملك .
وماأروع اللغة التى كتبتِ بها هنا ،
وماأروع الوصف ..
سلِمَت يمينك ، وكفاكِ الله شرور الغربة ..
دمتِ سامقة ، مع خالص مودتى وتقديرى .
وكل عام أنتِ وأسرتك الكريمة وجميع أبناء الأمة العربية والإسلامية
فى مشارق الأرض ومغاربها بخير وسعادة ويمن وبركة بإذن الله .
أخوكم / الطبيب الشاعر / د. محمد رزق
http://elshaereltabib.blogspot.com/ (http://elshaereltabib.blogspot.com/)
*

[عواطف عبداللطيف]

تمتمات مليئة بالوجع عزيزتي

ماذا نقول وقد هشم الشتات فينا
كل أباريق الفرح والأمـان
وتركنا تحت أقدام عاصفـة شرسة

لقلبك .. كل المحبـة والدعاء بالسكينة

ولقلبك السعادة والهناء
شكراً لألق مرورك
كل عام وانت بخير
دمت بخير
محبتي

[عواطف عبداللطيف]

الله .. ماأجملك .
وماأروع اللغة التى كتبتِ بها هنا ،
وماأروع الوصف ..
سلِمَت يمينك ، وكفاكِ الله شرور الغربة ..
دمتِ سامقة ، مع خالص مودتى وتقديرى .
وكل عام أنتِ وأسرتك الكريمة وجميع أبناء الأمة العربية والإسلامية
فى مشارق الأرض ومغاربها بخير وسعادة ويمن وبركة بإذن الله .
أخوكم / الطبيب الشاعر / د. محمد رزق
http://elshaereltabib.blogspot.com/ (http://elshaereltabib.blogspot.com/)
*

الطبيب الشاعر محمد رزق
شرفني مرورك
اعتز بتقييمك
كل عام وأنت والعائلة الكريمة بخير وسلامة
دمت بخير
تحياتي وتقديري

[محمد الفهد]

مدري شرد أحجي إلك

مدري شگول
وانه گلبي من البعد
صاير رماد
محترگ من يوم تذكر لو نسيت
يوم رحت
وقررت عني البعاد
والگمر راح الگمر يا ليلي وين
ليلي مات
وجرحي ما يعرف هواد
مثل بردية أتركتني وأنت ماي
مايي راح بدرب
رايح ماكو راد
يا سيوف الوگت گطعتن احشاي
وانه ألف أحزام ما فادني شاد
خلني أروح وياك
ما هزك النوح
وآنا بعدك وكتي سم حية حماد
ياهو يسمع شرد أگول
صعبه أضحك
بس سهل عدي الحداد

/



الأستاذة عواطف عبد اللطيف
حرفك له صدى في القلوب
فأعذري
ارتجالي المتواضع في صفحتك الرائعة
تقديري لك
وكل عام وأنت بألف خير

[عواطف عبداللطيف]

يابعد عيني ياعمري
مدري والله شردأكول
هاي مو شيمة أهلنه
شمتت بينه العذول
إنت أدرى باللي بيه
روحي صايبها الذبول
والگلب تاه وتمرمر
والوجع لا ما يزول
لو سأل أحد عليَّ
كله كل ساعة بأفول
ومن يمر الگمر يمي
راح أگله شرد أگول

[عبدالناصرطاووس]

يابعـد عيني اســأليني
وآنه گـلج شـرد أگـول
هاي موضة جَتْ علينا
وانذهـل بيها الذهـول
أنت أدرى باللي بينه
وبين أوجاع الفصول
كـم تمرمرنا وبجـينه
وماسـمع منا العـذول
هاي دنية ماهـي إلنه
لا ولا بيهـا أصـــول
شــرد أگــلج يا أخية
روحي صايبها الذبول
شرد أگلج مدري والله
شرد أگلج شرد أگـول
مدري والله شرد أگول

[عواطف عبداللطيف]

مدري والله شرد أگلك
لا وصل منك خبر
أنتظر بس تجي ليه
قبل متحين المنيه
حتى طيفك ما عُبر
أسأل النجمات عنك
ومن بعيد ترد عليه
لا أبد لا ما حضر!
ضيعت حتى مكاني
وضاع من عندي النظر
صارت أيامي طويلة
وصارت الساعة بشهر
أحسد اللي غمض جفنه
وكدر بعد الوجع كله
ياخذ من الفرح حفنه
وينسى أيام القهر




الشاعر عبدالناصر طاووس
شكراً لك
دمت بخير
تحياتي

[عبدالناصرطاووس]

مدري والله شردأگلچ

آنه أگلچ أنت من غبت علينه

گلنا باچر ترد وتجينة

ثاري هل الأيام طالت

ولا بعـد جــانا خـبر

آنه منچ وأنت مني

واللي بيه هـو بيچ

آنه طَبْ بِيَّ الغريب

وأنت سافرت لغريب

تسأليني إشوكت أرجع

وآنه تذبحني البشـــر

زين دِگـليلي سـشـوي

ضاگـت بعيني الصـور

يابعـد عيني ياأمـي

ولا وصل منچ خبر

الأم: عواطف عبداللطيف
لكِ الأيام :1 (5):المورقات:1 (23):
دمتِ بخير
تحياتي

[عواطف عبداللطيف]

ليلي مات
والصبح صاير بعيد
وآني گلبي مو حديد
والشمس ما عاد تطلع
والرحل ما عاد يرجع
والوجع نازل عليه
والعمر تاه من إيدية
والجرح كل يوم يكبر
والنزف كل يوم أكثر
وأشتفه بي العذول
مدري والله شرد أكول

[عبدالناصرطاووس]

يُمّا لا تزيدي عليَّ
الوجع ماهو بإ ديَّه
ذول حفنه من حجر
ولاعدْها كلمة خفر
الحجر أشفق علي
وصار يبچي وانفطر
والنزف فاض بأسيه
يُمَّا لا تزيدي الأذية
آنا لحم ومو حجر
مدري والله شرد أگول

[عواطف عبداللطيف]

الحجر يشفق عليَّ
والجرح زايد بيديه
وزاد بعيوني القهر
وانت گلبك من صخر
رحت عني وما ترد
وآني كل يوم بدرد
مدري شنهو هالزمان
صار كل واحد مكان
والحجي ما عاد ينفع
والگلب والله يتكطع
والوجع يومه يطول
يمته من عدنه يزول
بس دكلي
يمته من عدنه يزول

[عواطف عبداللطيف]

مدري والله شرد أكول
اشلون أوديلج يايمة كل صبح مني سلام
,ولما تخنكني عبرتي ,,
يضيع من عندي الكلام ,,
كلشي صار بعيد عنج بهالزمن ما هو تمام