أبو ذيات قلعة صالح

[علي الربيعاوي]

لاتسربه
يحادي الزمل هونك ** لاتسربه
وتره كلبي أمانه ** لاتسربه
ولو سرك زمانك ** لاتسربه
تره سنين العمر حلوه أورديه
وليفاي
راح ألجان ألي ونسه ** وليفاي
وجان من الشمس ظلي ** وليفاي
فيته ما تضر غيري ** وليفاي
بقيت أوحيد بس أصفك بديه
وألطمانه
عليك مهدل أنحب ** والطمانه
وأبد ماذكت راحه ** والطمانه
وحك ألله من ألده ** وألطمانه
أوسدنه ألمنيه أوأطفي ضيه
وألترابه
وحك نتاك كلبك ** والترابه
تضل عيوني وكحه ** والترابه
أنه الساكن مريبي ** والترابه
واعرف الشاع والملغز عليه

[عبد الرسول معله]

لأن اللهجة عراقية وأعضاء النبع ليسوا عراقيين كلهم فيجب وضع

معنى كل قافية في السطر قربها حتى يتمتع كل مار بها

[علي الربيعاوي]

لاتسربه
يحادي الزمل هونك ** لاتسربه ( لاتسير به )


وتره كلبي أمانه ** لاتسربه ( لاتفشي اسراره )
ولو سرك ( لاتبتسم له ) زمانك ** لاتسربه
تره سنين العمر حلوه أورديه
وليفاي
راح ألجان ألي ونسه * * وليفاي ( من ألألفه )
وجان من الشمس ظلي ** وليفاي ( الظل )
فيته ما تضر غيري ** وليفاي ( من الجفاء )
بقيت اوحيد بس اصفك بديه

وألطمانه
عليك مهدل أنحب ** والطمانه ( من البكاء والنحيب )
وأبد ماذكت راحه ( من الطمانينه ) ** والطمانه
وحك ألله من ألده ** وألطمانه ( اضربه )
أوسدنه ألمنيه أوأطفي ضيه
وألترابه
وحك نتاك كلبك ** والترابه ( العيون التي تنظر بها )
تضل عيوني وكحه ( المراباه ) ** والترابه
أنه الساكن مريبي ** والترابه ( اسم قريه في ميسان )
واعرف الشاع والملغز عليه

شكرا للأستذ المعله على هذه الملاحظه الجميله الهادفه ،، تحياتي
ابو عمار الربيعي