آخر 10 مشاركات
سجل دخولك بنطق الشهادتين (الكاتـب : - آخر مشاركة : - )           »          صبــاحكم محبة / مساؤكــم عطـر (الكاتـب : - آخر مشاركة : - )           »          مساجلة النبع للخواطر (10) (الكاتـب : - آخر مشاركة : - )           »          اللَّهمَّ صلِّ على سَيِّدِنا محمد (الكاتـب : - آخر مشاركة : - )           »          ألغاز النبع الرمضانية لسنة 1441هـ (30) (الكاتـب : - آخر مشاركة : - )           »          .. دع الناس ............. (الكاتـب : - )           »          مُذَكّرَات رَجُلٍ ثَمِل (الكاتـب : - )           »          النكبة رقم 72 (الكاتـب : - آخر مشاركة : - )           »          لكنك أنثى (الكاتـب : - آخر مشاركة : - )           »          جاءنا العيد فمرحى (الكاتـب : - آخر مشاركة : - )



العودة   منتديات نبع العواطف الأدبية > نبع الأدب العربي والفكر النقدي > الشعر الشعبي وما يكتب باللهجة الدارجة (العامية)

الملاحظات

الإهداءات
بسمة عبدالله من عيد سعيد وعمر مديد : كل عام وأنتِ بخير سيدة النبع الغالية ، وألبسكِ الله تاج الصحة والعافية ، وبارك لكٍِ في عمركِ وعملكِ ، وفتح لكِ آفاق يسره وتوفيقه ، وأسعدكِ مع العائلة الكريمة اللهم آمين عواطف عبداللطيف من عيد الفطر : كل عام وأنتم إلى الله أقرب,,كل عام وأنتم بخير,,أعاده الله عليكم بالخير وعلى أوطاننا بالأمن والأمان والخير والسلام وقد أزال عنا شر الوباء وحفظ الجميع علي التميمي من العيد : كل عام و انتم بخير ال النبع الكرام عيدكم مبارك تقبل الله منا و منكم دوريس سمعان من الورد للورد : باقات من ورود المحبة بـ عيد أميرة النبع الغالية ************ صاحبة القلب المعطاء والابتسامة الساحرة ************ أعواما مديدة مليئة بالفرح والنجاحات أتمناها لك كل سنة وأنت بألف ألف خير ناظم الصرخي من عيد مبارك : كل عام وأنتم بخير آل النبع الكرام ،مبارك عيدكم وسعيد ،أعاده الله عليكم بالرفاه والسعادة محمد فتحي عوض الجيوسي من الأردن : إلى اليئة الإدارية ممثلة برئيسة المنتدى وروحه السيدة عواطف وإلى جميغ أعضاء النبع الكرام كل عام وأنتم بخير بسمة عبدالله من فجر عيد غزة فلسطين : عيد مبارك على أحبتنا في النبع ، وعلى كل العالم العربي والإسلامي ، وتحية أبرقها لكم جميعاً ، وكل عام وأنتم بخير عوض بديوي من الوطن العربي الواحد : سـلام مـن الله و ود و عيد مبارك على الجميع ، آل النبع الكرام ************محبتي و مودتي للجميع الدكتور اسعد النجار من عيد سعيد : عيد كم سعيد وكل عام وأنتم في صحة وعافية وجعلكم الله من عواد الشهر الفضيل تواتيت نصرالدين من الجزائر : بمناسبة حلول عيد الفطر المبارك تقبل الله منا ومنكم وعيدكم مبارك وسعيد الدكتور اسعد النجار من وداع الشهر الفضيل : وداعا ياشهر الخير والسلام وداعا يا شهر الحب والوئام وداعا ياهيبة صدور المؤمنين وملاذ الفقراء والمساكين ما أقصر أيامك وما أحلى لياليك اللهم بلغنا رمضان القادم ونجن بأتم صحة وعافية وتقبل الله أعمالكم الدكتور اسعد النجار من ليلة القدر : اللهم ندعوك في هذه الليلة المباركة أن تجنبنا كل سوء وتنشر علينا بركات جودك يا أرحم الراحمين

إضافة رد
 
 
أدوات الموضوع انواع عرض الموضوع
 
قديم 06-06-2014, 10:27 AM   رقم المشاركة : 1
شاعر
 
الصورة الرمزية سعد السعد






  النقاط : 10
  المستوى :
  الحالة :سعد السعد غير متواجد حالياً
اخر مواضيعي
 
0 أنا والهجاء
0 دارمياتي هنا في النبع
0 نبينا

افتراضي دارمياتي هنا في النبع



حصيلة دارمياتي في المساجلة


فدوة العمر للزين فدوة لحضورة
الدنيه عتم وليل من غير نورة
*
اصبر يكلبي ارجوك للنبض هدّي
لو خان دهرك كول أزمة وتعدّي
*
لمّن تجي يهواي النبض يرتاح
فدوى العمر للزين الجاي والراح
*
لا يرجع ولا يعوف كلبي بحالة
اشكد حاولت انساه بس استحالة
*
لو تدري شنهو الصار يمكن تعذرة
والذنب بالأعذار ربّك يغفرة
*
خلاني عايش دوم والقلق دربي
متردد وحساس يهديه ربي
*
الوجع طول الليل لازم نحمله
بس بالوجع يهواي الشوق يحله
*
الكَلب من فركَاك تايه وهايم
وانته بلذيد النوم غركّان عايم
*
منهو اليداوي الروح غيرك حبيبي
من دون كل الناس وحدك طبيبي
*
حبك يداوي الروح والوفه طبعك
والله أبد ميهون عليّه دمعك
*
أنطر طوال الليل ردّك يجيني
مو صوجي صوج النيت يا بعد عيني
*
مو بيدي يالمحبوب بيد الله هايه
لاجلك عفت انوار تبجي وراية
*
شوكَي إلك يزداد جن بحر والله
حبك يا بعد الروح من عسل كلّه
*
عمدا أصيح بحيل..وينك حبيبي
حسنك شمس عالكون يا شمس غيبي
*
ينتظر طول اليوم ..كلبي يريدك
عني طرت لبعيد .. مكَدر أصيدك
*
غيبتك مثل السيف عني دشيله
كيف المحب يهواي يكتل دخيله
*
كيف المحب يهواي يكتل حبيبه
ما تقوى عالزينات سوّي مصيبة
*
هو المحب يهواي يصون الأمانة
كلشي أسامح بيه إلا الخيانة
*
الغدر صعب اهواي ياهو اليشيلة
لو خان بيّه اهواي من اشتكيله
*
كاعد بوسط العين مثل الدمع بس
لوّ الوفا جلمات جان الحجر حس
*
ما كَصّرت وياك يشهد عذابي
رخصت لاجلك دوم عمري وشبابي
*
من فركتك لليوم مارتاح بالي
والغالي منّ ايغيب مكانه خالي
*
ماتكَلّي شنهو الصار عنّي متسألْ
كّلبك عليّ يا حيف مال وْتبدّلْ
*
لا تهمل الحبوك وتبيع ودهم
وتروح سد الغير وتعوف سدهم
*
باجر يمر ويروح هم بعد باجر
انت اخترت محبوب بالحب يتاجر
*
بس كلي يالمحبوب لمته أوافي
نارك تضج بالروح وماكو مطافي
*
العين من ما جيت جاري دمعها
بس الله يا محبوب يدري بوجعها
*
من فركتك لليوم ما شفت راحة
متكَلّي ليش الشوكَـ ما بي استراحة
*
رحت العصر للروض حسبالي اشوفك
بس شفت دمع العين تغسل طيوفك
*
شفت البدر بالبيت ضاويلي خدّه
ماكو احله من محبوب واكَعد بسدّه
*
شنهو اليصبر الروح لو انته غايب
يجري الدمع بالعين والكَلب ذايب
*
شمّتت بيه الناس وانته متدري
بالكلب صار الآه والدمع يجري
*
يمته أشوفك عاد والكلب يرتاح
لمّن تجي والكاك كل همي ينزاح
*
تدري أنا بليّاك لا وطن عندي
والتفت هين وهين أحسبني هندي
*
البعد صعب اهواي والقرب غاية
يبقى الكَلب يهواك حتى النهاية
*
كلما تمر أيام يحزن حبيبك
خافن يموت ابساع وما يلتقي بك
*
بلكي تجيني ابساع والعمريحله
بالشوكّـ مجتمعين فرات ودجلة
*
أسهر واصب دموع ويطول ليلي
من صدّك وفركاك مهدود حيلي
*
أبجي بتوالي الليل شوكَي ذبحني
بالحزن والهم دوم متروس صحني
*
كم ليله أظل سهران لاجلكْ ينايم
الناس كلها بعيد بس آنه صايم
*
الليل إجه يهواي وبعيد انته
بكليبي دك اجراس والدنيا سكتة
*
بلكي تجي يهواي تمسح دمعتي
نزرع ورد وازهار في بور وكتي
*
الوجع عندي يزيد ساعة غيابك
كل العمر يهواي فدوة لشبابك
*
اكعد أنا وياك وانسى همومي
يا كمر بس بضياك تسعد نجومي
*
بلكي تجي يهواي ساعة واشمك
كلبي ترة يهواك جن كلب أمّك
*
ما جذبيت اعليك يا روحي انته
شوكي الك بستان بالحب زرعته
*
مكدر ابد أنساك رغم المسافات
فدوة الك عمرين الجاي والفات
*
تدريني من فركاك شفت البلاوي
طبعك يبعد الروح للهجر هاوي
*
ولهانة روحي عليك يا عمر عمري
كافي هجر وفراك مو خلص صبري
*
تزرع بكَلبي ورود ما يوم تذبل
عطشان وانت الماي اشلون تقبل
*
انته الضوا للعين وللكَلب نبضه
أعمى أنا بليّاك اشلون ترضى
*
كافي هجر يا زين مو خلص عمرك
والله سئمت العيش من نار هجرك
*
آنه الجنت مرتاح شالله بلاني
من دون كل الناس حبيتك آني
*
ارحم حبيبك عاد كاعد يتاني
صدكني رايح موت كبل اواني
*
بس كلّي يالمحبوب اشلون اشوفك
تتعذر انت اتكول صعبة ظروفك
*
من سافرت لليوم ما وقف دمعي
وانسيت كل الناس حت هلي وربعي
*
انت الضوى للعين وللكلب بهجة
يلشوفتك يا زين بعدال حجة
*
بيك العتب ما فاد وضاع التعب بيك
قربة وطرف مثقوب ما ينّفخ بيك
*
من رحت عني بعيد تزوجت الهموم
امتى تحن وتعود ينتهي هالصوم
*
الغربة بالدلاّل تطرح وتجمع
جنك يبعد الروح حالف مترجع
*
أشتم عطر ملكاك والدنيا تحلى
والدنيا وردة تصير والكلب نحلة
*
تدري يبعد الروح روحي تريدك
مثل الحقل للماي انطر بريدك
*
ماتكلّي شنهو الصار واغدرت بيّه
حتى الذي ويّاي صارو عليّة
*
آنه اريد اهواي كاعد بصفي
يحلف وحك عيناي ما بعد يجفي
*
حزني يروح ابعيد يومن تجيني
امتى تجي وتكون فرحة سنيني
*
حيلي نحل والروح تنتظر جيّه
دحمل جرارك عاد وامطر عليّه
*
العين ليل انهار جاري دمعها
والروح طول اليوم تجتر وجعها
*
كل شعري يا محبوب لاجلك اكتبة
لَنّك حبيب الروح واغلى الأحبة
*
كل هذا وانت النوب ممتطي هجرك
جنّ البعاد اشموس تضوّي فجرك
*
ونخلي هالشمات اتطك مهجهم
ودفء اللقا يا زين نار وتوجهم
*
مسجون بيك سنين مهيّض جناحي
ما فكرت فد يوم اطلق سراحي
*
انحب توالي الليل والهم لحافي
لية السهر والشوق والولف غافي
*
ظليت أغني الليل آه بأثر آآآآآآه
نايم وليف الروح لو ناسي ما انساه
*
كلبي وكع يا ناس وينه اليشيلة
مدري شنو اللي صار وانهدم حيلة
*
بس لا تروح ابعيد وحدي تخلين
نار وتشب بجلاي والدمع بالعين
*
بعدك حبيبي نار ما تنطفي ابساع
تحرك تذوب الروح والكلب ملتاع
*
الوفه يا محبوب زاد المحبة
تحسب دموعي ماي وانته تكبّة
*
دم كلبي من فركاك شلال ينزف
والاه بعد الاه اوتاره تعزف
*
يصعب عليه اهواي بعدك يقاسي
فضفاض حزني موش على مقاسي
*
ما جذب اني عليك يا غالي مشتاق
بعدك صعب يهواي ناره م تنطاق
*
أسأل عليك الناس وينه حبيبي
وارجع وانا الوسواس يترسلي جيبي
*
باللي جره والصار بس الله يدري
ليل وكلب مهموم والدمع يجري
*
تدري ترى المشتاكَـ مهدود حيله
العمر يجري بيه وما بيده حيلة
*
لو كطعوا المرسال زحف أجيلك
هم اسعد بملكَاك هم أشتكيلك
*
جرحي شوكت يهواي تجي وتداويه
عمري ظلام وليل لو ما تضوي
*
اطلب من الرحمن كلبك يحن لي
دنيا بلا محبوب خلها تولّي
*
ليش الفرح يا حيف ينكَضي بسرعة
وكت الحزن مضروب واحد بسبعة
*
اشما تغيب وياي حاضر بكلبي
واتمنى طول اليوم يسعدك ربي
*
كلما امر بالدار اذكر حبيبي
واتشوّق الملكاه يطفي لهيبي
*
نجمة ورسمها الليل تزهي وتكابر
حكها تباهي الكون عاشكها شاعر
*
قاسي عليك اكثير يا كلبي غاليك
ما اكثر الأعذار لو راد يجفيك
*
تدري انته كلش زين اشكد أحبك
ترميني بالهجران يالقاسي كلبك
*
كافي قساوة عاد مو صبر ما ظل
وكليبي من فركاك من حسرته مل
*
ليش ابعدت لبعيد وانتظر كَربك
لو انته سم يهواي أتمنه اشربك
*
مو تدري كلش زين لجيتك أتاني
وحدك حبيب الروح ما الك ثاني
*
كلبي يون اعليك والونة جمرة
والعمر يمضي ليل ما بيه كمرة
*
بس كلي يالمحبوب .. امتى اشوفك
وافرح أنا بملكاك .. تسمح ظروفك
*
هذا الكَلب مليان طيب ومحنّة
من يمر يملي الكون انسام جنة
*
لو انت لو ما ريد .. مهما حصّلّي
ما راح أبدل الزين كَلبي يكَلّي
*
















التوقيع

  رد مع اقتباس
قديم 06-06-2014, 12:30 PM   رقم المشاركة : 2
عضو هيئة الإشراف
 
الصورة الرمزية هديل الدليمي






  النقاط : 10
  المستوى :
  الحالة :هديل الدليمي غير متواجد حالياً
اخر مواضيعي
قـائـمـة الأوسـمـة
افتراضي رد: دارمياتي هنا في النبع

الكلمه رشّة طيب وانت الترشها
وباشعارك الحلوات تشرق شمسها

كنز ثمين لا يليق إلا بقلمك اللامع












التوقيع

  رد مع اقتباس
قديم 06-06-2014, 12:50 PM   رقم المشاركة : 3
شاعر
 
الصورة الرمزية سعد السعد






  النقاط : 10
  المستوى :
  الحالة :سعد السعد غير متواجد حالياً
اخر مواضيعي
 
0 أنا والهجاء
0 دارمياتي هنا في النبع
0 نبينا

افتراضي رد: دارمياتي هنا في النبع

اقتباس:
المشاركة الأصلية كتبت بواسطة حنان الدليمي نقرتين لعرض الصورة في صفحة مستقلة
  
الكلمه رشّة طيب وانت الترشها
وباشعارك الحلوات تشرق شمسها

كنز ثمين لا يليق إلا بقلمك اللامع


الطيب منِّك فاح محله حضورِكْ
لا زهر لا قدّاح يلحكّـ عطورِكْ


أهلا بنبع الطيب والحنان
بألقك نور المكان












التوقيع

  رد مع اقتباس
قديم 06-06-2014, 02:33 PM   رقم المشاركة : 4
روح النبع
 
الصورة الرمزية عواطف عبداللطيف





  النقاط : 100
  المستوى :
  الحالة :عواطف عبداللطيف غير متواجد حالياً
اخر مواضيعي
قـائـمـة الأوسـمـة
افتراضي رد: دارمياتي هنا في النبع

بطيب وورد رديت فاح بنبعنا
بحروفك الحلوات نشعل شمعنا

اللهم زد وبارك
تحياتي













التوقيع

  رد مع اقتباس
قديم 06-06-2014, 02:38 PM   رقم المشاركة : 5
شاعر
 
الصورة الرمزية سعد السعد






  النقاط : 10
  المستوى :
  الحالة :سعد السعد غير متواجد حالياً
اخر مواضيعي
 
0 أنا والهجاء
0 دارمياتي هنا في النبع
0 نبينا

افتراضي رد: دارمياتي هنا في النبع

اقتباس:
المشاركة الأصلية كتبت بواسطة عواطف عبداللطيف نقرتين لعرض الصورة في صفحة مستقلة
   بطيب وورد رديت فاح بنبعنا
بحروفك الحلوات نشعل شمعنا

اللهم زد وبارك
تحياتي


بحروفك الحلوات تضوي صفحتي
هيل وعطر فواح بحضورك انتِ


الله يبارك في عمرك وألقك روح النبع
ألف تحية لسامق حضورك












التوقيع

  رد مع اقتباس
قديم 06-06-2014, 03:24 PM   رقم المشاركة : 6
عضو هيئة النبع
 
الصورة الرمزية الدكتور اسعد النجار





  النقاط : 10
  المستوى :
  الحالة :الدكتور اسعد النجار غير متواجد حالياً
اخر مواضيعي
قـائـمـة الأوسـمـة
افتراضي

شعرك قريته اهنا كالورد والراح

مثل الكور لماع وبعطره فواح


تحياتي







  رد مع اقتباس
قديم 06-09-2014, 07:20 AM   رقم المشاركة : 7
شاعر
 
الصورة الرمزية سعد السعد






  النقاط : 10
  المستوى :
  الحالة :سعد السعد غير متواجد حالياً
اخر مواضيعي
 
0 أنا والهجاء
0 دارمياتي هنا في النبع
0 نبينا

افتراضي رد: دارمياتي هنا في النبع

اقتباس:
المشاركة الأصلية كتبت بواسطة الدكتور اسعد النجار نقرتين لعرض الصورة في صفحة مستقلة
   شعرك قريته اهنا كالورد والراح

مثل الكور لماع وبعطره فواح


تحياتي


فايح حضورك دوم سيد الابداع
وردة وعطر فواح وحلو الاطباع


دكتورنا المكرم لك محبتي لك وتحيات بلا حصر












التوقيع

  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يوم النبع الدكتور شفيق ربابعة الشعر العمودي 8 10-08-2012 12:14 PM
غير كافي \الى آل النبع الكرام في ميلاد النبع عواطف عبداللطيف الشعر العمودي 28 10-03-2012 02:54 PM


الساعة الآن 09:59 AM.


Powered by vBulletin® Version 3.8.9 Beta 3
Copyright ©2000 - 2020, vBulletin Solutions, Inc.
:: توب لاين لخدمات المواقع ::